لیستا مووچەی ل گەل بلندكرنا پلەیێن فەرمانبەران بۆ مە بهنێرن
بەرپرسەكێ وەزارەتا دارایی ئاشكرا كر، نڤیسار بۆ هەمی وەزارەتان هاتیە كرن، كو لیستا مووچەیێ فەرمانبەران ب بلندكرنا پلەیێن وان بهێتە ئامادەكرن.
محەمەد عەبدولقادر، رێڤەبەرێ گشتیێ ژمێركاری ل وەزارەتا دارایی و ئابووریا حكوومەتا هەرێما كوردستانێ گۆت: «فەرمانبەر نوكە هەژی چو پلە و مەرتەبەكێیە، دڤێت ئەو د ناڤ لیستێ دا بهێتە دیاركرن.»
محەمەد عەبدولقادر راگەهاند: «ل رۆژا 24/3/2024 ب نڤیسارەكا فەرمی، كو ب ئیمزایا وەزیرێ دارایی هاتیە دەرئێخستن، داخواز ژ هەمی وەزارەتان هاتیە كرن، لیستا مووچەیێ فەرمانبەران ب بلندكرنا پلەیێن وانڤە بۆ مە بهنێرن و نڤیسار بۆ وەزارەتان هاتیە هنارتن، كو ب زوورترین دەم بۆ مە بهنێرن».
گوتژی: «ئەو لیستا دهێتە هنارتن، ل گەل لیستا مووچەیێ مەها ئادارێ یە، بەلێ لیست یا جودایە و دڤێت ب بلندكرنا پلەیان بهێتە كرن».
