لیستا 275ێ پارێزەرا مافێن وەرزشڤانانە
زنار زوبێر عەلی
هەلبژارتنێن پەرلەمانێ ئیراقێ ئێك ژ گرنگترین پرۆسەیا هەلبژارتنایە ل سەر ئاستێ ئیراقێ و كوردستانێ، هەموو لایەن و پارتێن سیاسی ب هویری و دووڤچوونەكا تەسەل بۆ دكەن، ژبەركو جهەكێ گرێدایی بڕیار و دانانا یاسایێن وەلاتی نە، لەوما ژی بەری دەستپێكرنا هەلبژارتنان هەموو پارتێن پشكدار بانگەشەیەكا مەزن بۆ دكەن ب دروشمێن جودا و گۆتنێن پاشەرۆژێ پێخەمەت سەرنجراكێشان و ڕازیكرنا دەنگدەری بۆ لیست و بەربژارێن وێ، لڤێرە یا من دڤێت بێژم ئەرێ كی ژ هەژییە ل كوردستانێ دەنگ بۆ بهێتە دان، هەكە ل گۆڕەیی دیرۆكێ و خەبات و خزمەتكرنێ و پشتەڤانییا وەلاتێ خوە، بێ دو دلی و ڕاستگۆیی دێ بێژن بتنێ پارتی دیموكراتی كوردستان بوویە ب درێژاهییا خەباتا خوە پشتەڤانی وبەرگیرییا خاك و وەلات كرییە، بتنێ پارتی بوویە مافێن كوردستانێ ل حوكمەتا ئیراقێ دا پاراستییە و هەتا نوكە ژی بەردەوامە.
ژبلی كو بابەتێن گرێدایی ب تەوەرێن سیاسی، ئابۆری، خزمەتگۆزاری و پاراستنا مافێن كوردستانییان، بۆ مە گرنگە ئەم وەكو كەرتێ وەرزشڤان ژی بزانین كو هەردەم پارتی بوویە سەنگەرێ پاراستنا مافێن وەرزشڤانان ل پەرلەمانێ ئیراقێ بڕێیا پەرلەمانتارێن خوە سەرباری هەبوونا ڕێگریێ ژلایێ چەند لایەنێن سیاسی ڤە، گۆتنا سەرۆك بارزانی ل دۆر وەرزشێ بەلگەیا هەبوونا رۆلێ پارتی د پشتەڤانی و پێشئێخستنا وەرزشێ دایە دەمێ گۆتی: ( بزاڤا وەرزشی چو كێمتر نینە ژ بزاڤا سیاسی و بۆ پێشكەفتنا وەرزشا كوردستانێ ئەم پشتەڤانینن)، ئەڤ پەیڤە خالەكا دی یا هێزێ بوویە وەرزشا كوردستانێ پێشكەڤیت.
ژلایەكێ دووڤە دڤێت دیرۆك و راستی بهێتە پێشچاڤكرن كییە خزمەتا وەرزشڤانان دكەت كییە ژێرخانەیا وەرزشی ل كوردستانێ ئاڤا دكەت، خۆیایە هەر ژ بوهارا سالا 1991 پشتی سەرهلدانا پیرۆز وەرچەرخانەكا دیرۆكی د وەرزشا كوردستانێ دا پەیدابوو، ل ژێر دەستهەلاتا پارتی دیموكراتی كوردستان سال بۆ سال وەرزش بەر پێشڤە دچوو، ژێرخانەیا وەرزشی هیدی بنیاتێ خوە دانا، پێشكەڤتنەكا باش دناڤا یانە و وەرزشڤانان پەیدابوو تا نوكە ژی دیرۆكێن زێرین بۆ یانە و یاریزانان هاتینە تۆماركرن، ژلایەكێ دووڤە ژێرخانەیا مەزن هاتییە پێش ژ دروستكرنا یاریگەهێن نێڤدەولەتی و هۆلێن مۆدرێن یێن وەرزشی، ژبیر نەكەین دەرئەنجامێ پشتەڤانییا پارتی بۆ یانە و یاریزانان گەهشتنە دەستكەڤت و ناسناڤان دووڤدا خەلاتێن ڕێزگرتنێ پێ هاتنە دان و مەرەما سەرەكی ژ پێشكەڤتنا وەرزشێ و پشتەڤانییە بۆ هەموو وەرزشڤانان،ژبیر نەكەین كوردستان كرییە بنگەهەك بۆ مێڤاندارییا چەندین قارەمانیێن نێڤدەولەتی، ئەڤە و گەلەك كارێن دی یێن پشتەڤانیێ و پێشئێخستنا ئاستێ وەرزشێ پارتی كرینە، لەوما ژی دیرۆك و ووژدانا تاكە كوردستانی دبێژت دڤێت دەنگ بۆ پارتی و لیستا 275ێ بیت، لیستا پارێزەرێ مافێن دەستۆری و ژیانێ بۆ وەلاتیێ كوردستانێ بیت لیستا 275 پارێزەرە بۆ هەموو مافێن وەرزشڤانان.
