لێكتێگه‌هشتنه‌ك د ناڤبه‌را ساخله‌میا دهۆكێ و وه‌زاره‌تا پێشمه‌رگه‌ی دا هاته ئێمزا كرن
دهۆك، له‌زگین جۆقی:
رێڤه‌به‌رێ گشتی یێ ساخله‌میا پارێزگه‌ها دهۆكی دیار كر كو دوهی 20/9/2022ێ لێكتێگه‌هشتنه‌ك د ناڤبه‌را ساخله‌میا دهۆكێ و وه‌زاره‌تا پێشمه‌رگه‌ی دا ب ئاماده‌بوونا جێگرێ سۆپاسالارێ پێشمه‌رگه‌ی و نوونه‌رێ رێكخراوا giz و لایه‌نێن په‌یوه‌ندیدار هاته ئێمزاكرن.
د. ئه‌فراسیاب موسا، رێڤه‌به‌رێ گشتی یێ ساخله‌میا پارێزگه‌ها دهۆكێ بۆ رۆژناما ئه‌ڤرۆ خویا كر، سه‌نته‌رێ مه‌شق و راهینانا نۆشداری یێ به‌رده‌وام كو سه‌ر ب ساخله‌میا دهۆكێ ڤه‌یه، ئه‌ڤ سه‌نته‌ره دهێـته هژمارتن ئێك ژ سه‌نته‌رێن پیشكه‌فتی ل هه‌رێما كوردستانێ و ئیراقێ د ڤی سه‌نته‌ری دا مه‌شق و راهینان ب هه‌موو كارمه‌ندێن ساخله‌میێ و نۆشداران دهێته كرن”.
گۆتژی: “هه‌موو كارمه‌ندێن ساخله‌میێ و نۆشدارێن ل وه‌زاره‌تا پێشمه‌رگه‌ی كار دكه‌ن دێ ل سه‌نته‌رێ مه‌شق و راهینانا نۆشدارێ یێ به‌رده‌وام پشكداری مه‌شق و راهینانان بن”.
