ل ئه‌مریكا هه‌رسێ هونه‌مه‌ند (تحسین و ئه‌یاز و عه‌بدلواحد) هاتنه ساخكرن
ئه‌ڤرۆ نیۆز، سالار دۆسكى:
ل غه‌ریبیێ و دوورى وه‌لات هزر ل ساخكرنا به‌رهه‌مه‌كێ نوو دكه‌ت و به‌رهه‌مێ سێ سترانبێژێن وه‌غه‌ركرى ب ئورگێ تۆمار دكه‌ت وه‌ك به‌رهه‌م به‌لاڤه دكه‌ت.
ئه‌ركان دۆسكى خه‌لكێ باژێرێ دهۆكێ یه، چه‌ندین ساله ل وه‌لاتێ ئه‌مریكا دژیت، لێده‌رێ ئورگێ یه، ل وى وه‌لاتى پشكدارى چه‌ندین بزاڤ و چالاكیێن هونه‌رى دا كریه، د هه‌ڤدیتنه‌كێ دا دگه‌ل ئه‌ڤرۆ نیوز، ئه‌ركان دیاركر كو نووترین به‌رهه‌مێ خوه دا پارچه مۆزیكه‌ك ب شێوێ كوكتێل یا هه‌رسێ سترانبێژێن وه‌غه‌ركرى، (ته‌حسین تاها، ئه‌یاز یوسف، عه‌بدولواحد زاخۆیى) ل وه‌لاتێ ئه‌مریكا تۆماركریه و چێكریه.
ب رێیا ئه‌ڤرۆ نیۆز سلاڤ بۆ هه‌موو خه‌لكێ كوردستانێ هنارتن و هیڤى خواستن ئه‌ڤ به‌رهه‌مه وه‌ك بچووكترین وه‌فادارى بیت ئه‌نجام دابیت بۆ هه‌رسێ هونه‌رمه‌ندێن وه‌غه‌ركرى.