ل باكورێ مووسل هێرشه‌كا داعشێ هاته تێكشكاند
ئه‌ڤرۆ نیۆز:
ددربه‌كێ نه چاڤه‌رێكرى دا، هێزێن پێشمه‌رگێ هه‌رێما كوردستانێ و فرۆكێن هه‌ڤپه‌یمانان هێرشه‌كا چه‌كدارێن داعشێ ل باكورێ مووسل هاته تێكشكاندن، ئه‌نجامێ وێ ژناڤبرنا شه‌ش ترۆمبێلێن داعشێ و كوشتن و برینداركرنا پتر ژ 25 چه‌كدراێن تیرۆرستان.
ژێده‌ره‌كێ ئه‌فسه‌رى ب پلا نه‌قیب ژ ده‌زگه‌هێ ئاسایشا هه‌رێما كوردستانێ راگه‌هاند، ل گۆڕ پێزانینێن هه‌والگیرى یێن بۆمه هاتین خرَڤه‌بوونه‌كا چه‌كدارێن داعشێ ل نێزیك ناحیا تلكێفێ كو نیازا هێرشكرنێ هه‌یه ل سه‌ر به‌رۆكێن شه‌رى ل ده‌ڤه‌را باتنایێ كو 35 كیلومه‌تران باكورێ مووسلێ یه دهێته به‌هه‌ڤكرن.
ئه‌فه‌سه‌رێ كورد كو نه‌ڤیا ناڤێ خوه ئاشكرا بكه‌ت گۆت: به‌ى ئه‌و تیرۆرست ده‌ست ب بزاڤێن خوه بكه‌ن ب رێیا هێرشه‌كا ئه‌سمانى هاتینه ژناڤبرن ل گه‌ل تۆپبارانكرنا په‌ێشمه‌رگه‌ى بۆ جهێ هاتیه ده‌ستمیشانكرن.
هه‌ر ل گۆڕ ژێده‌رێ ئاسایشێ، شه‌ش ترۆمبێل هاتنه سۆتن و پتر ژ 25 چه‌كدارێن داعشێ كوشتى و بریندار ژى هه‌بوونه، ئه‌ڤێت مایێ به‌ر ب باژێرێ مووسلێ ڤه ره‌ڤین.
