ل جەژنیكان ب تنێ د رۆژەكێ دا من 17 زارۆك ڤەشارتن
سالار محەمەد دۆسكی:
9-11
پێشتر شەش هەڤالێن مەیێن ئەردنی بوون و گۆت ئەم دێ چین و خێزانێن مە دەربازبووینە و ئەم شارەزاینە و و ئەم دێ چینە بەرەڤ هرورێ و ئەم دێ دەربازبین و ئەم زڤرین و ئەم هاتینە زوومێن تروانشیان و كانیێن ئاڤێ نە و هندەك بسكێن مە ژ دوكانەكێ ئینابوون و بتنێ ئەو بسكێن دەستێ مە دابوون و مە ئەو خارن و هەمان دەم ئەم دبرسینە و چ تشت نەمابوو وەكی رۆژا قیامەتێ بوو و ئەم ماینە برسی و شەڤا پاشتر چار زەلامان گۆت ل بن سەرێ ئامێدیێ كەسكاتیەكا ل وێرێ و چار زەلام چوون دیت هندەك پتاتێن سال بوری ئانكو ئەوێن سەر بنێ خوە شین بووین و ماینە دئاخێ را نەكو ئەوە شنی شین بووینە و هاتن و هەر ئێك ژ مە چار پتات گەهشتنێ و مە پتاتێن خوە شیشتن و ئەم دلنادەین سپی بكەین ژی و مە خویێ و شەكر هەر دو هەبوون و مە شەكر كرە گلاسەكی مە ڤەدخار و خویێ ژی مە ب ئەوا پتاتا وەردكر و مە دكرە دناڤ ئاگری دا هەتا پیچەكێ دهاتە بژارتن و ئاگر ژی مە چەوا دكر دارێن هشك مە تیفل سپی دكر دا دیكێلێ نەكەت و ل بن بەرەكێ مەزن و ئەم ماین ل وێرێ و حوكمەتێ ئەم نەدیتین، تەحتایێ سێ بەرەكێ شكەستی یە و ئێكی جانتەك ل وێرێ ڤەشارت بوو و هندەك چكلێت تێدا بوون و مە خوارن و نێزیكی 28/8 هەتا 5/9/1988ێ ئەم ماینە برسی و ئەم د دورپێچكرینە و حوكمەتێ هەمی دەڤەر گرتینە و گوندێ هێسێ و رێكا لقێ و ئەمێ دبینین سەرێ مەتینی مرۆڤێن چن و ئەم ل چیایێ ئەلهویی دا هاتبووینە دورپێچكرن و ئەم هاتینە زوومێن تروانشیان و بتنێ زەلام بووین و شەش زەلام چوون و ئەم ماین 30 مرۆڤ، 15 گەهشت بوونە گەل مە دادوێ عەریف سلو و مالێن وان ل ئیرانێ بوون و ئەم ژی 15 بووین و مە خوە دابەشكر و هێزا مەیا دی ل گارەی بوو و ئەم هاتبووینە واجبی و ئەم رابووین هەر 15 كەس و ئەم شەڤەكێ ماینە ل وێرێ و هندی هاتمێ بەلگێ چلی من جی جی كو بشێم ب داعیرم من نەشیا ب داعیرم و ئەم زەعیف بووینە ژ بێێ خوارنی و نێزیی 9هی شەڤێ بوو، عارف و مراد نوزا كیڤە چووبوون و هاتن و ئەز ل سەر پشتێ بووم و دەمەكی من دیت عارف هاتە هنداڤ سەرێ من گۆت كا دەڤێ خوە ڤەكە و من ژی دەڤێ خوە ڤەكر و من دیت تلیەكا تەیفی هاڤێتە دەڤێ من دا و من تامكرێ تەیفی بوو و راست رابوومە ڤە من گۆتێ هەوە ژ كیڤە ئینایە؟ گۆتن هەرنە بیستانێن بیگداودی یا دبن مە دا و باجان سوركن و ئەم چووین هەتا 3ی شەڤێ ماینە ل دەڤەرێ ئەڤجا وەكی هرچێ چەوا تشتەكی دخوت هوسایێ دخوین و تری هندەكێ بالێتەی كەفتیێ و هندەك ژی بێسیرەیە و مە جانتێن خوە تژی كرن و ئەم هاتین و ئەڤێن نەهاتین ژی مەدانێ و ئەم ب رێكەفتین كو جارەكا دی بزڤرین و دبێژنێ چارچەل دو كەل دكەڤنە هنداڤ بەرواری یا و دو كەل دكەڤنە هنداڤ جادا ئامێدیێ و ئەم گەهشتینە بەر چار شەلی و مە خوە ڤەشارت و ئەم نەوێریاین زێدەتر بچین و ئەم نوزانین سەرێ مەتینی و رەوش یا چەوایە و یان ئەو مالێن بوتیا حوكمەتێ دیتی نە یان نەدیتی نە و ئەم نوزانین و ئەم وێ شەڤێ ماینە ل وێرێ و دەمێ بوویە سپێدە مە دیت حوكمەت و چەتە و لەشكر ل گوندێن هێسێ و خرابەی و مێركا چیایی یێ ل هندەك عەردا دسوژن و هندەك عەردان ژی یێ تشتا بخوە دبەن و خراب دكەن و ئەم ماین هەتا بوویە مەغرەب و جارەكا دی ئەم ب سەركەفتین و چووینە دولا چارچەلی و مە خوە بەلافكر و مە خوە نێزیكی ئەوان مالان كر و مە بەرێ خوە دایێ شەڤ ژی بوۆ بانێن وان سپی دكەن ئانكو بان نە رەش بووینە و نەهاتینە سوتن و مە هندەك بەر هاڤێتنە خانیا و مە گۆت ئەگەر مرۆڤ هەبن ئەو ژی دێ بەرسفا مەدەن و چەند بەرێن دی مە هاڤێتن هەر بێ دەنگی بوو و مە گۆت بخودێ حوكمەتێ ئەڤ خانیە نەدیتی نە و ئەم چووینە دخانیان دا و ل خانیەكی دا دەنگێ دیكل و مریشكان هات و خودانێ مالێ مریشكێن خوە كرینە دخانی دا و گەنم هاڤێتی یە بەر و ئاڤ ژی دانایە بەر و دەرگەهێ خوە گرتینە و چووینە توركی و دو كەو ژی دناڤ دا بوون و شەڤێ من 23 دیكل و مریشك سەرژێكرن و من گۆت دێ كەوا بەردەم عارفی گۆت دێ بەردەی من گۆتێ بەلێ گۆت سەحكە قلولێن چاڤێ خوە پاشی بەردە و من سەرژێكرن و هندەكا هەڤیر كر و هندەك پرتێن سەوكا دبەرمیلا ئاری دا بوون و مە گرارەك لێنا و پەنجەرێن خانیا مە بەتەنی كرنە تێرا و بەتنیەك ژی ب دەرێ خانی ڤە و مە كرە تاری و شنی مە ئاگر هەلكر ل ژوورڤە مە خوارن دروستكر و مە هەمیا خوارن خوار و چێكر، عارف ئەو شارەزا بوون بۆ نێزیكی 3ی شەڤێ گۆتن ئەوا عیرو ریڤیكێن مریشكا چونكە مە سپی دكرن و مە پەر ژێڤەنەدكرن و مە پێن وا برین و مە چێ دكر و مە خوار و گۆتن دڤێت ئەڤان عیرو ریڤك و سەر و پێكێن مریشكا ڤەشێرین و چونكە ئەگەر بهێن و ببین دێ زانن ئەم هاتینە ڤێرە و ئەم چووینە خوارێ نیڤەكا چیایێ مەتینا بەرامبەر جادا ئامێدیێ و مە خوە بێ دەنگكر و هندەك ژی روینشتی هەر دخەو چوون و هەتا بوویە نێزیكی 9 بۆ 10ی رۆژێ، قوت مەلكو هاتن چوونە گوندێ بوتیا و چاڤێ مە لێ بوو ئێكی هندەك مێشێن هنگڤینی هەبوون ئەوا سەلەمێشك دكرنە دئاڤێ دا و هنگڤین تینا دەرێ و بەرەڤ مە ڤە هاتن و مە هزر كر دێ هێنە مە بەلی پاشی مان چونكە رێكا مە دەست كەبوو بورین چوون بۆ شەریفا هەتا بوویە نێزیكی دەمژمێر 1 بۆ شەشێ و لێبورینا گشتی هاتەدان و مە دیت ل سەرسنگێ رەمی بۆ هەوایی هاتەكرن و مە لێبورین ب رێكا رادیویێ زانی و مە زانی ژی ئەو رەمی یا لێبورینێ یە و بەلێ ئەم چ ژێ مالێن خوە نوزانین و ژنكا خوە ڤەشارت بوو و دەیكا من یا بێچارە بوو و بتنێ برایێ من بتنێ مابوو.
