ل جەژنیكان ب تنێ د رۆژەكێ دا من 17 زارۆك ڤەشارتن
سالار محەمەد دۆسكی:
10-11
ئەو پتر ژ سالەكێ بوو من دایكا خوە نەدیتی ، خێزانا عارفی كچ و كورێن وی هەمی ل گەلیێ گەرەگو بوون و مەنەزانی چلێ هات و هەتا بوویە شەڤ و ئەم ب خار كەفتین و چووینە ب كەپرا مە وهندەك سندوقێن رومانا مە هەبوون ل وێرێ و ئەم چووین مە خوە نێزیكی جادێ كر، ئەم ژ جادێ دەرباز بووین و ترۆمبێلێن ئیڤا ئێكا ل ڤێرە و ئێكا ل ڤێرە و گەلەك بوون یێ بەرەڤ ئامێدیێ و شێلادزێ وی رەخی دچن و ئەم زڤرین و ئەم هاتینە وێ شەڤێ شەفتەكێ ڤە و دیسا وێ شەڤێ هندەك نڤین ل وێ شكەفتێ ڤە بوون و هندەك چكلێت تێدا بوون و ئەو ژی مە خوارن و ئەم چووینە رەخێ بەرێ كەڕ و ئەم نە چووینە هەمزیكێ و رەخێ بەرێ كەڕ و دەمێ لوفێ زڤری مە دناڤبەینێ دا خوە ئێك ئێكە دەربازكر وێڤەتر ئەم ل چیایێ گارەی شارەزا بووین، گەلەك جهان ئاگر پێڤە بوو و ئاگر ب شەڤێ گەشت بوو وەكی مرۆڤان ل پێش چاڤێن مە لێ دهاتن و هەر جهەكی ئەم یێ هزر كەین ئاگرێ پێڤە و مرۆڤن و ئەڤ جهێن ئاڤێ شەق دكەت ل وەرزێ زڤستانێ و قەرم و دبنە كەل و تشت و دەمێ دبوو سپێدە و ئەم هەر 15 كەس هەر جهەكێ تاریبا مە خوە ل وێرێ دڤەشارت و ئەم دناڤ خەندەكا داب بووین دناڤ تەقنێ و مە خوە بێ دەنگ كربوو و فرۆكە دهاتن ژلایێ ئێنشكێ بۆ شێلادزێ و ئێكا دچیت و ئێكا دهێت، فەخردین محەمەد ساحێ باوەركی ل گەل مە بوو خودێ ژێ رازی بیت یێ شەهید بووی ل گەل رێكخراوا مرادی بوو، مرادی گۆتێ فەخرەدین سەرێ خوە بلند بكە و ئەڤە دەڤەرا تەیە و بكەڤە رێكێ و مە دەرباز بكە و كەفتە بەراهی یا مە و ئەم چووین و ئەڤجا ئەو چەند روژە مراد تینا وی خلاس ب بوو و ئەو كەسەكێ جگار كێش بوو و ئەوی دگۆت ئەز كورە بووم بۆ جگارەكێ و چەند پیچەكێ دا چین محەمەد سالح دا بێژیت ئاخ بابوو كوردێ خوزی من تو جارەكا دی دیتبایە ڤە و ئەم چووینە باوەركێ و ئاگر یێ بەردایە بیستانەكێ تیتنێ و تعانێ وی و بنێ هندەك دارێن تینێ سوت بوون و مرادی ئێكسەر دەستێ خوە هاڤێتە هندەك بەلكان و هوویركرن و كرنە كیسكێ خوە و جگارەك تێكر و من گۆتێ مراد راوستە جگارێ نەخێشە گۆت راوستە ئەز مرم بۆ جگارەكێ وئەم دەربازبووین و عەردەكی دبێژنێ بەربركا هەر سەر ب باوەركێ ڤەیە و هندەك خانی بوومن و ئەرزاق و تشتێ خوارنێ تێدا هەبوون و مە بخوە چێكرن و مە خوە ڤە دا و ئەم چووینە چیایێ گارەی و ئەم ماینە ل وێرێ هەتا بوویە سپێدێ و ل دانێ سپێدێ مە چ لڤین ئەنجام نەدان هەتا بوویە ئێڤارەكا درەنگ و دووڤدا ئەم ئێك ئێكە لب سەركەین بۆ گەلیێ زێوە دبێژنێ گەلیێ سێ پركا و هندەك پەزێ بێ خودان ل وێرێ بوو و نێریەك دناڤ وی پەزی دا بوو هەر ئەزمانێ خوە با دا و من مەترێ خوە ئینا دەرێ و هندەك ئاڤ دایێ گەلەك كەیفا وی هات و ئەزمانێ خوە پێ تەركر و ئەم چووین مە هێلان و هەر تشتەكێ بێ خودانە و ما دێ چ لێ كەین و ئەم چووین قولپین بۆ گوندێ بەلیتێ و سەرێ گارەی و هەتا ئەم چووین مە دیت هندەك مرۆڤ ژ وێ ڤە هاتن گوتن بابو كەس نەمایە و خەلكی هەمیان خوە رادەستی حوكمەتێ كریە و ئەو چوون، و ئەم جارەكا دی زڤرینە ڤە و ئەم هاتینە پشتا مێرگەتی و ئەم چەند رۆژا ماین هەتا بوویە 25/9/1988ێ و دونیا سار بوو و مە هزر كر ئەگەر ئەم بگەهینە زارۆكێن خوە ئەم خوە رادەستی حوكمەتێ ناكەین، مراد و شەعبان قەدشی عەیالێن وا خوە رادەست كربوون و یێن عارفی خوە رادەست كربوون و بۆچوونا هەمیان ئەو بوو و گۆت ئەم ژ زارۆكێن خوە چێتر نین و ئەم ژی دێ چین خوە رادەست كەین و ئەم هاتینە قدشێ و ئەم كرینە ترۆمبێلان دا ئیناینە كەلها نزاركێ وی دەمی كەلها نزاركێ یا ڤالا بوو و ئەم برینە جەژنەكا ل هەولێرێ و ئەم دو سالان ماینە ل جەژنەكا و كارو كەسپێن مە ل جەژنەكان مری ڤەشارتن بوو و مالا مە بەرامبەر گورستانێ بوو، پتریا كەسێ، وەغەردكرین زارۆك بوون و تایبەت ئەو خێزانێن ماینە بێ زەلام و كاودانێن خەلكی نەخوش بوون و هزرا و ژنك دبێ شییر بوون و لەشێ زارۆكا هشك ب بوو و خوارن نە دخارن و هەر ترۆمبێلا دهێت ئەو هزر دكەن ئەڤە زەلامێن وا هاتن و بەرامبەر زەلامێن وا ل ئەنفالا بەرزەبوون و بیرا من دهێت رۆژەكێ حەفت مری بەری خوارنا تێشتێ من ڤەشارتن و ئەم هاتین مە تێشت خوار و (10) مروفێن دی ژی پشتی تێشتێ مە ڤەشارتن 17 ئێك رۆj ژمە ڤەشارتن و دناڤبەرا 250 بۆ 300 زارۆكان بتنێ من ڤەشارتینە و ئەم نێزیكی 40 هزار مرۆڤان ل جەژنەكان بووین و هەتا نوكە ژی ئەو گورستان مایە، ل دەمێ ئیراقێ ل سالا 1991 هێرشی وەلاتێ كوێتێ كری حوكمەتا ئیراقێ ئەم ل جەژنەكان ئاگەهداركرین كو هەر كەسەكێ ئازادە بچیتە دەڤەرا خوە و ئەم هاتینە دهوك و بەلێ ئەم هەر د رحەت نەبووین و گەلەك جارا هندەك جهێن دی نڤستین و مە جهێن خوە دگوهارتن و چەند هەیڤ دەربازبوون و سەرهلدانا سالا 1991 دەست پێكر.
