ل دهۆكێ خوپیشاندانا ره‌وشا خواندێ دێ هێته كرن
ئه‌ڤرۆ نیۆز، سالار دۆسكى:
ب مه‌ره‌ما دیتنا چاره‌كێ ل ره‌وشا قوتابیێن زانكۆ و په‌یمانگه‌هێ پارێزگه‌ها دهۆكێ، ئه‌ڤرۆ ده‌مژمێر 11 سپێدێ ل به‌رده‌رگه‌هێ نڤسینگه‌ها دهۆك یا په‌رله‌مانێ كوردستانێ، خوپیشاندانا قوتابیانه و پێشبینى دهێته‌كرن كو یاداشته‌ك بهێَته‌ئاره‌سته‌كرن بۆ په‌رله‌مانێ كوردستانێ و چه‌ندین خواست و داخازیێن قوتابیان ب خوه‌ڤه‌دگریت.
شێروان ئه‌حمه‌د مسته‌فا به‌رپرسێ لقێ زانكۆ و په‌یمانگه‌هێَن دهۆكێ یێ ئێكه‌تیا قوتابیێن كوردستانێ نووچێ خوه‌پیشاندانێ بۆ ئه‌ڤرۆ نیۆز پشت راستكر و گۆت: قوتابیێن زانكۆ و په‌یمانگه‌هێن دهۆكێ دێ خرڤه‌بوونه‌كا ئاشتى، سۆباهى ده‌مژمێر 11 سپێدێ ئه‌نجام ده‌ن، یاداشته‌كێ دێ بۆ نڤێسنگه‌ها دهۆكێ یا په‌رله‌مانێ كوردستانێ بلند كه‌ین كو ب رێیا خوه بگه‌هینه په‌رله‌مانێ كوردستانێ..
شێروانى گۆتژى: دێ داخاز كه‌ین كۆ لێبورین ئانكۆ(عبور) بۆ دو بابه‌تان هه‌بیت، دیسا خولا سیێ بهێته‌ڤه‌كرن، دیسا هه‌كه (10) نمره بۆ قوتابیان بهێنه‌دان، و بریاره‌كا تایبه‌ت بۆ پارێزگه‌ها دهۆكێ بهێته‌ده‌ركرن، ژبه‌ر كاودانێن دهۆك ده‌ربازبووى تێدا، وه‌زاره‌تا خواندنا بلند بریاره‌كێ ده‌ربكه‌ت، ئه‌ڤه پشتى په‌رله‌مان بڤێ خرڤه‌بوونێ ل سه‌ر كاودانا دهێته هایداركرن.
ناڤبرى ئاشكراكر ژى كو نێزیكى 800 قوتابیان ل زانكۆیێن دهۆك و نه‌ورۆز و جیهان و پولیته‌كینك و په‌یمانگه‌هێن دهۆكێ ژبه‌ر كاودانان كه‌فتینه.
ناڤبرى ئه‌وچه‌نده‌ژى گۆت: پتریا ئه‌ڤان قوتابیان كه‌س وكارێن پێشمه‌رگێ كوردستانێ نه، هنده‌ك قوتابى هه‌تا نوكه پێشمه‌رگه و چه‌په‌را دانه و دێ پێنگاڤ پێنگاڤ كار كه‌ین خزمه‌ته‌ك بۆ ئه‌ڤان قوتابیان بهێته‌كرن.