ل دهۆكێ 84 زارۆك د رۆژێن جەژنـێ دا بووینە
دهۆك، لەزگین جۆقی:
ڕێڤەبەریا گشتی یا ساخلەمیا پارێزگەها دهۆكێ دیار كر كو د رۆژێن جەژنا قوربانی یا پیرۆزدا حەفت هزار و 250 كەسان سەرەدانا دەزگەهێن ساخلەمیێ كریە، د هەر چار رۆژێن جەژن دا 565 كەسان سەرەدانا شیرەتكاریان ئێڤارن كریە و 315 نەخۆش هاتینە نڤاندن، 32 روودانێن ترۆمبێلان و 45 كەفتن هەبووینە، هەروەسا 41 دەرزیێن دژی لەقدانا سەیان و 30 نشتەرگەریێن جودا هاتینە ئەنجاندان و 210 حالەتێن دانانا جبسێ هەبووینە.
هەر در رۆژێن جەژنێ دا سەنتەرێ 122 یێ هەوارهاتنا بلەز 60 حالەتێن ڤەگوهاستنێ هەبووینە ژ وان 11 تەنگەنەفەسی بووینە و 10 جەلتە و پێنج كەفتن و 11 روودان، پێنج حالەتێن نەخۆشێن گۆلچیسكان بووینە 10 دلڕابوون و پێنج شكەستن بووینە، سێ حالەت ژی یێن زارۆكبوونێ و دو حالەت پێڤەدان بووینە.
د جەژنا قوربانی دا 84 زارۆك بووینە، ژ وان 40 كوڕ و 44 كچ بووینە، سەرەدانێن تیمێن ناڤا بازاری سەر ب ڕێڤەبەریا كاروبارێن خۆپاراستنا ساخلەمیێ د هەر چار رۆژێن جەژنێ دا 37 سەردان كرینە و 9 هۆشداری داینە و چار جهـ ژبەر پێگیری نەكرن ب ڕێنوماییان هاتنیە سزادان.
