ل دەڤەرداریا ئاكرێ زێدەگاڤیێن ل سەر ملكێ گشتی دهێنە راكرن
رەمەزان زەكەریا:
دەڤەردارێ ئاكرێ بۆ پاراستنا مۆلكێ گشتی و ڕووبڕووبوونا زێدەگاڤیان، ب ئامادەبوونا لژنا ڕێگریكرنێ ل زێدەگاڤییان، سەرەدانەكا مەیدانی بۆ هەردو گوندێن خردس و سۆسنا ئەنجام دا.
دكتۆر دلاوەر بۆزۆ، دەڤەردارێ ئاكرێ د سەردانەكا مەیدانی دا چاڤدێریا رەوشا هەردو گوندان ب هووری كر و لژنەیا تایبەتمەند راسپارد، ب زووترین دەم و بێ چاڤنقاندن و لێبوورین، تەڤایا وان زێدەگاڤیێن ل سەر ئەرد و مۆلكێن گشتی هاتینە كرن خراب بكەن.
ئاشكرا ژی كر كو ڕێكارێن توند یێن یاسایی بەرامبەر تەڤایا سەرپێچیكاران بهێنە بجهئینان، پێخەمەت بجهئینانا یاسایێ و خزمەتكرنا باژێڕی و پاراستنا سامانێ گشتی ل دەڤەرێ.
