ل زاخۆ داخستنا کلینیکێن ساخلەمی بەردەوامە
ئەڤرۆ نیوز، عەلی حاجی :
زێدەتری ٣ ھەیڤایە لژنەکا تایبەت ژ قایمماقمێ زاخۆ و رێڤەبەریا ساخلەمیێ و ئاسایشا ل ناڤا باژێرێ زاخۆ دا ٤ کلینیکێن ھاریکارێن ساخلەمی و کلینیکەکا نوشداری و دەرمانخایەک ھاتینە داخستن.
ل دۆر ڤی بابەتی خەلات عوسمان نوونەرێ قایمقامیا زاخۆ د لژنا تایبەت دا بۆ ئەڤرۆ نیوز گۆت: ژبەر وان رێنمایێن تایبەت یا ئەنجوومەنێ وەزیران یا کوردستانێ کو زێدەتری ٣ ھەیڤایە ئەڤ لژنە ل زاخۆ دەست بکاربوویە ھەتا نوکە ٤ کلینیکێن ساخلەمی ھاتینە داخستن ژ بەرکو ل گۆر رێنمایان کار ناکەن دکر و ل گورەی رێنمایێن ئەنجومەنێ وەزیران نابیت کلینیکێن ساخلەمی زێدەتری ١٦ جورێن دەرمانان ب فروشن لێ ڤێ چەندێ بجە نائینن ژبەر ڤێ یەکێ ئەو کلینیک ھاتنە داخستن و دەرمان ژی ھاتنە دەستە سەرکرن ، ھەر دیسان کلینیکا نوژداری یا تایبەت ھاتە داخستن ژبەر کو ل وێ کلینیکێ نوشدارێ تایبەتمەند و دەرمانسازەک نەبوون و ئەڤ چەندە بەروڤاژی رێنمایە.
ناڤھاتی زێدەتر گۆت: لژنا مە یا بەردەوامە ل سەر کارێ خوە و حەفتیانە ژی ل سەر ھەمی کلینیک و دەرمانخانان چاڤدێریێ دکەت و رێنماێن ئەنجومەنێ وەزیران بو ھەموو کەسێ یە بێ جیاوازی و ئەگەر بەردەوام بن ئەڤ سەرپێچیە دێ وان دەنە دادگەھێ.
