ل زاخۆ دو كهس ب تۆمهتا تێكدانا پرا دهلال هاتنه دهستهسهركرن
زاخۆ، دلۆڤان هالۆ:
ل ئیدارهیا سهربخوه یا زاخۆ، دو كهس ب تۆمهتا تێكدانا خهمل و جوانیا پرا دهلال هاتنه دهستهسهركرن.
ئهحمهد ڕهمهزان، بهرپڕسێ ڕاگههاندنا ڕێڤهبهریا پۆلیسێن زاخۆ بۆ ڕۆژناما ئهڤرۆ دیار كر كو دو تۆمهتبار بناڤێن (د. ع. ش) و (ئـ. م. م) ڕاببوون ب تێكدانا خهمل و جوانیا پرا دهلال، كو جههكێ گشتی یه و هاتبوو خهملاندن ژ بۆ ئهنجامدانا ڕێوڕهسمهكێ، لێ ڤان ههر دو تومهتباران ب مهرهما ناسیاربوونا خوه د تۆڕێن جڤاكی دا ڕاببوون ب ڤهكرنا لایفهكێ، كو تێدا خهمل و جوانیا پرا دهلال تێكدا بوون.
بهرپڕسێ ڕاگههاندنا ڕێڤهبهریا پۆلیسێن زاخۆ، ئاماژه ب وێ چهندێ ژی كر، پشتی دووڤچوونا ڤی بابهتی هاتیه كرن ژ لایێ پشكا پۆلیسێن ههوارهاتنا زاخۆ ڤه، شیان ناسناما وان تۆمهتباران ئاشكرا بكهن و دهستهسهر بكهن و ڕهوانهی نڤیسینگهها نههێلانا گۆنههباریان ل زاخۆ بكهن و گۆت:”ب بڕیارا دادوهرێ ڤهكۆلینێ، ههر دو تۆمهتبار ل دووڤ بهندێ دو ژ یاسا ژماره 6 یا سالا ٢٠٠٨ هاتنه ڕاگرتن”.
