ل زاخۆ گه‌نجه‌كێ 27 سالی ب ده‌ستێ بابێ خوه هاته كۆشتن
زاخۆ، دلۆڤان هالۆ:
ڕاید نه‌هشه‌ت سه‌لمان، به‌رپڕسێ ڕاگه‌هاندنا ڕێڤه‌به‌ریا پۆلیسێن زاخۆ بۆ ڕۆژناما ئه‌ڤرۆ دیار كر كو دوهی ل تاخێ شه‌هیدان ل زاخۆ، ژ ئه‌گه‌رێ ئاریشه‌كا جڤاكی گه‌نجه‌كێ 27 سالی ب ده‌ستێ بابێ خوه ب چه‌ند گولله‌یێن كلاشینكۆفێ هاته كوشتن.
به‌رپڕسێ ڕاگه‌هاندنا ڕێڤه‌به‌ریا پۆلیسێن زاخۆ ئاماژه ب وێ چه‌ندێ ژی كر، پشتی ڕوودانێ ئێكسه‌ر تاوانباری خوه ڕاده‌ستی بنگه‌هێ پۆلیسان كریه و دانپێدان ب تاوانا خوه كریه و گۆت: “ب بڕیارا دادوه‌رێ ڤه‌كۆلینێ ل دووڤ به‌ندێ 405 ژ یاسا سزایێن ئیراقێ په‌ڕێن ڤه‌كۆلینێ بۆ ڤێ ڕوودانێ هاتینه ڤه‌كرن و تاوانبار هاتیه ڕاگرتن، ڤه‌كۆلین یا به‌رده‌وامه ژ بۆ زانینا ئه‌گه‌رێ دروست یێ ڤێ ڕوودانێ”.
