ل سالا بهێت فەرمانبەرێن گرێبەست دێ بنـە هەردەمـی
دهۆك، دلۆڤان ئاكرەیی:
ئەندامەكێ لژنا دارایی ل پەرلەمانێ ئیراقێ دیاركر، ب فەرمی وان داخواز كریە گرێبەستێن هەرێما كوردستانێ ببنە هەردەمی و دبێژیت: ئەم كارەكێ رژ دكەین د بودجەیا سلا 2027 دا گرێبەست ببنە هەردەمی.
د. دانەر عەبدولغەفار، پەیڤدارێ فراكسیۆنا پارتی و ئەندامێ لژنا دارایی ل پەرلەمانێ ئیراقێ بۆ رۆژنامەیا ئەڤرۆ گۆت: «وەكو فراكسیۆنا پارتی مە بزاڤەكا رژد دایە ژ بۆ وێ چەندێ گرێبەستێن هەرێما كوردستانێ ببنە هەردەمی، بۆ ڤێ مەرەمێ ژی مە نڤیسار بۆ وەزارەتا دارایی یا حكومەتا ئیراقێ كریە، مە ب خۆ ژی سەرەدان كرینە و مە ئەڤ داخوازیە ژێ كریە، مە بەردەوام بزاڤ كرینە، بۆ وێ چەندێ ئەم بگەهینە ئەنجامەكی و گرێبەستێن هەرێما كوردستانێ ببنە هەردەمی».
گۆت ژی: «بڕیارە د د بودجەیا سالا 2027 دا گرێبەستێن هەرێما كوردستانێ ببنە هەردەمی، ڤێ سالێ ئیراقێ بودجە نینە و سالا بهێت بودجە دێ هەبیت، ژ بەر ڤێ چەندێ وەكو فراكسیۆنا پارتی، هەمی بزاڤان دكەین، ئەو گرێبەست ببنە هەردەمی».
