ل شنگالێ پێشمه‌رگه‌ى 2 هێرشێن داعشێ تێكشكاند
ئه‌ڤرۆ نیۆز:
دره‌نگێ شه‌ڤا بۆرى ل چیایێ شنگالێ و نێزیكێ مه‌زارێ شێخ شه‌ره‌فه‌دین تێرۆرستێن داعشێ دو جاران بزاڤا هێرشكرنێ بۆ سه‌ر جهێن پێشمه‌رگه‌ى كریه، به‌لێ هه‌ردو هێرشێن داعشیان ژئالیێ هێزێن پێشمه‌رگه‌ى ڤه هاتینه تێكشكاندن و هژماره‌كا كوشتى و برینداران ل دووڤ خوه هێلان.
فه‌رماندێ هێزا پێشمه‌رگه‌ى ل چیایێ شنگالێ(قاسم شه‌شۆ) بۆ كوردستان پۆست راگه‌هاند، چه‌كدارێن داعشێ شڤێدى دو هێرش كرینه سه‌ر پێشمه‌رگه‌ى ئێك ل كومه‌لگه‌ها جودالى و سكێنینێ ل بنارا چیایى شنگالێ و یا دوێ ل نزیك مه‌زارێ شێخ شه‌رفه‌دین، به‌لێ پێشمه‌رگه‌ى به‌رسڤه‌كا توند و دژوار بۆ وان هه‌ردو هێرشان هه‌بوو ب چه‌كێ دوشك و هاون و چه‌كێ قورس هێرشا وان تێكشكاند و زیانه‌كا مه‌زن گه‌هاندنه داعشێ.
فه‌رمانده قاسم شه‌شۆى راگه‌هاند، چو زیان ب پێشمه‌رگه‌ى نه گه‌هشتینه، و ئه‌م شیان 4 چه‌كدارین تیرۆرستێن داعشێ بكوژین، هه‌ڤده‌م دیاركر شه‌رێ ناڤبرى نێزیكى نیڤ ده‌مژمێرێ ڤه‌كێشا و داعشى نه چاربوون خوه ڤه‌كێشن.
