ل شوڕەشا ئەیلولێ 35 زاویتەی پێشمەرگە بوون ئەرێ ما كەسەكێ مە ژ هەژی مەدالیا بازرانی نینە
دیدار، سالار محەمەد دۆسكی:
ل هەر دو شورەشێن ئەیلول و گولانێ پێشمەرگە بوویە، پتریا داستانێن پێشمەرگەی پشكداربوویە، ل زیندانا ئەبو غورێب و كەركووكێ گەلەك ماندیبوون و ئەشكەنجدان دیتی یە.
صالح محەمەد رەشید، بەرنیاس ب سەید صالح زاویتەیی ژدایك بوویێ سالا 1949ێ، ل دەسپێكا سالێت شێستان دەست ب دروستكرنا رێكخستنێن نهێنی ل ناحیا زاویتە كریە، و وی دەمی (حەجی مستەفا) بەرپرسێ رێكخستنێن نهێنی بوویە و دووڤ دا (مەلا قاسم ، سلێمان بوتی) هاتنە دەڤەرێ بۆ كارێ رێكخستنێ ناڤێ رێكخراوا مە (خەبات) بوو و هەمی گوند سەر بڤێ رێكخراوێ بوون و ی دەمی دانوستاندن بوون، ل خزیرانا سالا 1965ێ بوویە پێشمەرگە ل گەل (سەعدی زاویتەی) وی دەمی بارەگا ل (مێسكێ) بوو و بەرپرسێ گشتییێ پێشمەرگەی(غازی حەجی مەلو) بوو.
ناڤبری تایبەت بۆ رۆژناما ئەڤرۆ گۆت: ل سالا 1977ێ رێكخراوا مە ئاشكرابوو، وی دەمی ناڤێ رێكخراوا مە (شەفەق) بوو و بەرپرسێ وێ (حەیدر شاعاتی) و نێزیكی (25) ژ خەلكێ زاویتە هاتینە دەستەسەركرن و هەر هندەك ل دەڤەرەكێ، دەمێ هاتیمە گرتن ئێك سەر برمە د خانیێ (قەشەی) دا و هەوالگێری ل وێرێ بوو، ئێكی نیاسێ مە ل وێرێ بوو و هەتا نوكە مایە وی گۆتێ دڤێت ئەڤە نەمینە ساخ هەكە ئەڤە دێ (مەلا مستەفا)ی زڤرینە ڤە، دووڤدا هاتمە ڕەوانەكرن بۆ كەركووكێ و دادگەه ب مەكر و شەش سالان زیندانكرم، گەلەك ژ هەڤالێن مە سێدارەدان، جورێن سزادانێ و ئەشكەنجانێ هەبوون و گەلەك قوتاین، و ژ ئافرەتێن رێكخستی ل گەل مە (نەجات كاكە) بوو، ل سالا 1979ێ و پشتی دو سالا و هەشت هەیڤان ل زیندانا ئەبو غورێب دا ما و دووڤ دا ب بڕیارا سەرۆكی كومارێ عیراقێ (سەدام حسێن) هاتە ئازادكرن، دووڤدا ئەز ئێكەم كەس بووم ل دەڤەرێ من پەیوەندی ب پێشمەرگەی كری و چوومە سێدەرا وی دەمی (د.جرگیس) بەرپرسێ لقێ ئێك بوو و هاتبوو (سێدەرا) وی دەمی چالاكیەك ل (بێبادێ) هاتەكرن (شەعبان غەفار و خالد بانی، شەعبان بەرواری) چەند بەرپرس ل گەل بوون، من حەز كر ئەژی پشكداربم لێ بەرپرسێ لقێ نەهێلا.
صالحی گۆتژی: پتریا شەرێن شوڕەشا ئەیلولێ پشكداری من كریە و ل شوڕەشا گولانێ بتنێ ل دو شەڕان پشكدارنەبوومە ئەگەر بگشتی من پشكداری ل پتریا داستانێن پێشمەرگەی دا كریە.
سەید سالح زاویتەیی گۆت: بیرهاتنێن نەخوش گەلەك هەنە، بەلێ بیرهاتنێن خوەش من چ جاران خوەشی نە بریە و نەخوشترین دەم بوومن ل دەمێ ئەنفالا ل سالا 1988ێ دەمێ مە زارۆكێن خوە برینە چیایێ پشتا (دەزگیرا) ل دەڤەرا زێبارییا و مە خێزانێن خوە هنارتنە ناڤ چەمچالی و ناڤ چەتا بەلكو چەتە چو لێ نەكەن، چونكە لەشكر بكەهتیتێ د كوژیت و دووڤ پەشێمان بووین و زڤرینە خێزانێن خوە و برنە چیای ل دانێ مەغرب زارۆكێن مە دبرسی بووم و ل گوندێ (چەمچالی) هێزێن چەتا بوون و نەچاربووم بۆ زارۆكان بچمە خوارنەكێ ل گوندی و چووم ل خانیەكی من چەند نان ئینا و پیشكێ برنجی ژی من ل گەل خوە ئینا و پەزەك مە سەرژێكر و ب بەرا ئەو پیشكێ برنجی مە قوتا و دووڤ دا مە لێنا و ب دەستی كەتینێ و مە خوار و ئەو مەزنترین نەخوشی بوو، چونكە زارۆكێن مە ژ برسادا دكرنە گری و نان نەبوو بدەمێ و ئەو چەند رۆژ بوو مە خوارن نەخاریە، ل سالا 1988 دەمێ رژێما بەعس كێمیا هاڤێتی ل پشتا سیارێ كورێ من شەهید بوو و بەری وی سالا 1983ێ ترۆمبێل وەرگەریا بابێ من چوو بەر رەحما خودێ.
سەید سالحی گۆت: ل شورەشا گولانێ ئێزگێ دەنگێ كوردستانێ رۆلەكێ مەزن هەبوو و تایبەت دەمێ ئیزگەی دگۆت (ڤێرە دەنگێ كوردستانا عیراقێ) یە و ی دەمی مورالا پێشمەرگەی هند بلند بوو، ل نەوروزا مە پێشمەرگەی هەمیا قەستا رێكخراوێن خوە دكر، و مە كارێن خوە دكر و بەرهەڤی دكرن بۆ ئەنجامدانا عەملیاتەكێ داركەك ل سەرێ چیایێ زاوا بوو و باراپتر د هاتینە بن داركێ ومە توپێن 60 ملیم دهاڤێتنە لیوایێ دووڤ دا 82 ملیم هاتن، باراپترا 60 ملیما شوعیان ل گەل خوە تینان و ب زوری دگەهشتنە چەمێن دهۆكێ و مە هەمیان مرنا خوە دانا و دهاتن.
سەید سالح زاویتەیی هەروەسا گۆت: ل شوڕەشا گولانێ مرۆڤ مرۆڤكانێ نەبوو و ئاغاتی نەبوون، بەرپرسێن مە ل گەل مە زێرەڤانی دگرت و بەری مە هێرش دكر و هەمی عملیاتێن وی دەمی هەمی بڤی رەنگی بوون، و نە وەك یێن نوكە بوون، داستانا (دێرەلوكێ) سەرێ غەلبووكێ ل بیرا منە، ل داستانا كانی ماسێ مە گەلەك شەهید دان و چ جاران ژبیرامن ناچن.
سید صالح زاویتەی زێدەتر گۆت: ل عملیاتا بابلو مە (12) رەبیعە راكرن و هاتیە (مەقەرێ سریێ) (رزگار كێستەی) یێ سگڤان بوو و بەرێ ئارپێچیا خوە دا مودرعێ و گۆت دێ لێدەم و پشتی ماوەكی بەری لێدەت لێ زڤریم كەفتیە عەردی و قەناسەكێ ڤێ كەفتیە و بریندارە و من ریفیكێن وی كرنە دزكی دا جارەكا دی و دەرسوكا وی من قەت كر و كرە دبرینا وی دا هەر دو ئالیان ل خوە زڤریم ئێكی بەرێ غەدارەكێ دامە و زڤریم بتنێ ئەز و سەعید دساخین هەر هەمی دبریندارن كو نێزیكی 12 كەسان بووین و هەر ئێك ژ مە بەركەكێ ئارپیچێ د دەستی دابوو، صەبری بامەرنی بەرپرسێ هێرشێ بوو و گەلەكێ زیرەك بوو وی چەند ئارپیچ هاڤێتن ل هەمی جهان و من گازیكرێ (تەرگ ل هەمی جهان هاتیە عەرد سپی بوویە) دووڤدا وی گۆت هشیاری خوە بە ئەڤە عەور هات دووڤدا ترۆمبێلەك هات و بریندارێن مە ڤەگوهاستن و دووڤدا چەند هەڤالێن مە ژ هەر دو ئالیان ڤە هات و مە (مەقەر سریێ ) ستاند و 80 ژ چەكداران مە دەستەسەركرن، مە بڕیار دا چەند كەسەكا ئازاد بكەین لێ نەچوون و گۆت حوكمەت دێ مە كوژیت، و هەتا 15 كەسان مە ئازادكرن.
سید صالح زاویتەی گۆتژی: پەیڤا من بۆ سەركردایەتی یا كوردستانێ ئەوە هەر كەسەكێ پشتا خوە بدەتە مرۆڤێن خوە دێ پەشیمانی ئەوان مرۆڤان بیت، سەركردایەتی یا مە دێ پەشێمانی مە بیت ئەگرە چ دەم مابیت، ئەڤە 65ێ وەرە پێشمەرگە سەركردایەتی یا پارتی دیموكراتی كوردستان هەمی كەسان مەدالیا بارزانی پێڤەكر ، ئەم (35) پێشمەرگە خەلكێ زاویتە هەر دەسپێكا شوڕەشا ئەیلول و گولانێ پێشمەرگە هەتا نوكە، ما كەسەكێ ژ مە هەژی ڤێ مەدالیا پیرۆز نینە؟.
