ل كوبانێ رێیا سه‌ره‌كیا ئینانا هاریكاریا بۆ داعشێ هاته گرتن
ئه‌ڤرۆ نیۆز:
ل گۆڕ ژێده‌رێ چاڤدێریا مافێن مرۆڤى یا سورى، شه‌رڤانێن كردێن كوبانێ رێیه‌كا سه‌ره‌كێ یا هاتنا پشته‌ڤانى و هاریكاریان بۆ چه‌كدارێن داعشێ ژ ده‌ستێن داعشیان رزگار كرن، پشته هێرشه‌كا توندودژوار كرینه سه‌ر ده‌ڤه‌را باشورێ رۆژهه‌لاتا باژێرێ سنۆرى ل گه‌ل توركیا.
رێڤه‌به‌رێ ژێده‌رێ سورى رامى عه‌بدولره‌حمان بۆ ئاژنسا فرانس پرێس گۆت: هێزا یه‌كینه‌كا پاراستنا گه‌ل یا كوردێن كوبانێ پرَوسه‌كا سه‌ركه‌فتى یا له‌شكرى ل سه‌ر رێیا (حه‌له‌نج) ل كانیا كوردان كو دكه‌فیته باشورێ رۆژهه‌لاتا كوبانێ كو بنگه‌هێن چه‌كدارێن داعشێ كرینه ئارمانج ل پشت گرێ مشته ئه‌لنور یێ ستراتیجى.
رامى عه‌بدولره‌حمانى هه‌وره‌سا دیاركر، هێرشا شه‌رڤانێن كوردان ل ده‌مژمێر 3 سپێدێ ده‌ستپێكرن و تێدا 3 ترۆمبێل و ماتورسكلێن داعشێ هاتنه سوتن، ئه‌نجامێ وێ هێرشێ رێیا سه‌ره‌كى یا ئینانا هاریكارى و پشته‌ڤانیان بۆ چه‌كدارێن داعشێ ل پارێزگه‌ها ره‌قه هاتیه گرتن، ئاماژه‌دا هندێ نها ئه‌و رێیا سه‌ره‌كى دده‌ستێن شه‌رڤانان دایه.