ل هەمی دەڤەرداری و ناوچەداریان هاریكاریا وەلاتیێن كێمدەرامەت دێ هێتە كرن
ئەڤرۆ
د. عەلی تەتەر، پارێزگارێ دهۆكێ دوهی 26/3/2023 و ب بەرهەڤبوونا جێگرێ پارێزگارێ دهۆكێ و دەڤەردارێن (دهۆك، سێمێل، ئامێدێ، ئاكرێ، بەردەڕەش و شێخان) كۆمبوونەك ل دۆر بەرنامێ مەها رەمەزانا پیرۆز ئەنجام دا.
پارێزگارێ دهۆكێ د كۆمبوونێ دا هەمی دەڤەردارێن دهۆكێ راسپاردن ل سنوورێ هەمی ناوچەداریێن پارێزگەها دهۆكێ هاریكاریا وەلاتیێن كێمدەرامەت و پێدڤی بهێتە كرن ل گەل پاراستنا كەسایەتیا كەسێن هەژار و كێمدەرامەت و بەلاڤ نەكرنا وێنێن وان د سوشیال میدیایێ دا.
پشتی هەلسەنگاندن و دانوستاندنێ ل دۆر تەوەرێن كۆمبوونێ بڕیار هاتەدان:
• دووڤچوونا بازاری و كوالێتیا كەلوپەلان و كونترۆلكرنا بازاری یا بەردەوام بیت و د مەها رەمەزانێ دا لژنێن دەڤەرداریان زۆرتر لێ بهێن.
• هاریكاریا خەلكێ كێمدەرامەت و پێدڤی د مەها رەمەزانێ دا ل سنوورێ هەمی دەڤەرداریێن پارێزگەها دهۆكێ و ناوچەداریان بهێتەكرن، ل گەل پاراستنا كەسایەتیا كەسێن هەژار و كێمدەرامەت و بەلاڤ نەكرنا وێنێن وان.
• بەرنامێ فتارێن بەرفرەهـ بۆ تەخ و چینێن جودایێن جڤاكی ب رێكخستی بهێنە دانان.
