ل چیایێ شنگالێ 11 سه‌ركردێن داعش هاتنه كوشتن
ئه‌ڤرۆ نیۆز:
ژێده‌ره‌كێ ئاگه‌هدار ل ناڤه‌ندا باژێرێ مووسل دیاركر، 11 ته‌رمێن سه‌ركردێن چه‌كدارێن تیرۆرستێن داعشێ گه‌هشتنه نوشداریا داد ل نه‌خوشخانا مووسل، هه‌ڤده‌م خویاكر وان سه‌ركردێن داعشێ پشكدارى د شه‌رى دوهیێ چیایێ شنگالێ دا كر بوو و هه‌موو هاتینه كوشتن.
ژێده‌ره‌ێ نه‌ڤیایى ناڤێ خوه ئاشكرا بكه‌ت گۆت: چه‌كدارێن داعشێ ئه‌ڤرو سپێدێ ته‌رمێن 11 سه‌ركردێن خوه ئیناینه نه‌خوشخانا مووسل و یا دیار بوو وانا گه‌له‌ك ب گرنگى و چاڤدێرى ل وان ته‌رمان دكرو داخوازا پاراستنا ته‌رمێن وانا دكر، چونكى ئه‌و هنده‌ك كه‌سایه‌تیێن گرنگێن چه‌كدارێن وانن.
هه‌روه‌سا گۆت: چه‌كدارێن داعشێ ته‌رمێن چه‌كدارێن خوه ل مه‌یدانا شه‌رى دهێلن یان د ڤه‌گوهێزن بۆ بته‌له‌عفه‌رێ، به‌لێ هه‌كه كه‌سێن گرنگ و خودان پلێن بلندێن و سه‌ركرده‌بن دئیننه نه‌خوشخانا مووسل.