مارک رۆبیۆ: دێ گوهۆڕینێن مەزن ل رۆژهەلاتا ناڤین روو دەن
مارک رۆبیو بەربژارێ ترامپی بۆ پۆستێ وەزیرێ دەرڤە یێ ئەمریکا د داخۆیانیەکێ دا بۆ دەزگەهێن راگەهاندنێ دیار کر، دێ ل رۆژهەلاتا ناڤین گوهۆڕینێن گەلەک مەزن روو دەن، ئەم هۆشداریێ ددەینە وان وەلاتان یێ سەرمایێ وان ل ئیرانێ کو هەر زوو سەرمایێ خوە ل ئیرانێ ڤەکێشن، چونکی دبیت ژ بەر سزایێن گران یێن ئەمریکا رژێما نها یا ئیرانێ پشتی دەمەکێ نەمینیت.
ناڤهاتی ئەو یەک ژی دیار کریە، پێلا گوهۆڕینان ل رۆژهەلاتا ناڤین دەستپێکریە و ب هاتنا ترامپی دێ گوهۆڕینێن گەلەک مەزن روو دەن و ژ بەر ڤێ یەکێ ژی گرنگە هەر وەلاتەک هزرا پاشەرۆژا بەرژەوەندیێن خوە بکەت، چونکی ئیران بوویە مەترسیەکا گەلەک مەزن بۆ بەرژەوەندیێن ئەمریکا و ژ بۆ ڤێ یەکێ ژی د سەردەمێ ترامپی دا دێ گوهۆڕینێن گەلەک مەزن روو دەن و دڤێت وەلاتێن رۆژهەلاتا ناڤین ژی ل گۆر هەر گوهۆڕینەکێ خوە بەرهەڤ بکەن.
