مالباتا داعشیه‌كێ ئیسرائیلى دبێژن كورێ وان نه‌هاتیه كوشتن
ئه‌ڤرۆ نیۆز:
مالباتا داعشیه‌كێ ئیسرائیلى ل گوندێ ئیكسال ل خان جه‌لیل كوشتنا كورێ خوه ل رۆژئاڤایا عیراقێ پشتى چوویه دناڤ رێزێن ده‌وله‌تا ئیسلامى داعشێ دا ره‌تكرن، ده‌زگه‌هێ گشتیێ راگاهه‌ندنا ئیسرائیلى ل سه‌ر زارێ مالباتا وى داعشى دیاركر، ئه‌و هه‌تا نوكه چو پێزانیان ده‌رباره‌ى چاره‌نڤیسێ كورێ خوه نزانن ل گه‌ل هندێ ژى دوپاتكرن كورێ وان نها ل عیراقێ یه.
ل گۆڕ هنده‌ك ده‌نگوباسێن نه‌باوه‌ر پێكرى به‌لاڤكرینه، گه‌نجێ ب ناڤێ ئه‌حمه‌د محه‌مه‌د حه‌بش كو ره‌گه‌ز عه‌ره‌بێ ئیسرائیلى یه و ژیێ وى 23 ساله ل عیراقێ هاتیه كوشتن، هه‌روه‌سا دیاركرن ئه‌و ل گه‌ل چار هه‌ڤالێن دى ب رێیا وه‌لاتێ توركیا چوویه دناڤ ئاخا عیراقێ دا و گه‌هشتیه رێزێن چه‌كدارێن داعشێ و ل پارێزگه‌ها ئه‌نبار رۆژئاڤا یا عیراقێ هاتیه كوشتن.
ده‌زگه‌هێن ئێمناهیا ئیسارئیلى ئاشكراكر، هژمارا وان كه‌سێن عه‌ره‌بێن ئیسرائیلى یێن چووینه دناڤ رێزێن داعشیان دا گه‌هشتیه 10 كه‌سان.
