مامۆستایێن هه‌ولێر و دهۆكێ دێ هێنه قه‌ره‌بووكرن
ئه‌ڤرۆ نیۆز، قائید میرۆ
جێگرێ سه‌رۆكێ ئێكه‌تیا مامۆستایێن كوردستانێ دبێژیت، پشتی چاره‌سه‌ركرنا قه‌یرانا دارایی، دێ هه‌موو ئه‌و مامۆستا هێنه قه‌ره‌بووكرن یێن ده‌مێ راستڤه‌كرنا موچه‌ی 64 هه‌یڤان حوكمه‌ت قه‌ردارێ وانبوو.
ئه‌حمه‌د گه‌رمیانی، جێگرێ سه‌رۆكێ ئێكه‌تیا مامۆستایێن كوردستانێ بۆ ئه‌ڤرۆ نیۆز دیاركر، مامۆستایێن هه‌ردو پارێزگه‌هێن هه‌ولێر و دهۆكێ دێ هێنه قه‌ره‌بووكرن، چونكه به‌ری نوكه موچێ فه‌رمانبه‌ران هاتبوونه راستڤه‌كرن و موچێ مامۆستایانژی مینا وه‌زاره‌تێن دی موچێ وان هاته راستڤه‌كرن.
گه‌رمیانی گۆتژی” گوره‌ی ئه‌ڤێ راستڤه‌كرنێ مامۆستایێن هه‌ولێر و دهۆكێ قه‌ره‌بوویا 64 هه‌یڤان دكه‌فته نیك حوكمه‌تێ، به‌لێ ژبه‌ر قه‌یرانا دارایی حوكمه‌تا هه‌رێمێ نه‌شیا قه‌ره‌بوویا مامۆستایان بمه‌زێخیت، بزاڤێن تێنه‌كرن پشتی چاره‌سه‌ركرنا ئه‌ڤێ قه‌یرانێ قه‌ره‌بوویا مامۆستایێن هه‌ولێر و دهۆكێ دێ هێنه قه‌ره‌بووكرن.
