مایكرۆسۆفت نمرەیێن نهێنی ناهێلیت
یا دیاره كو ئه‌ڤه ماوه‌كه هه‌موو كۆمپانیێن مه‌زن یێن خودان تۆڕێن سوشیالێ بزاڤێ دكه‌ن، ژمارێن نهێنی نه‌هێلن.
د پێنگاڤه‌كا هه‌ری پێشكه‌فتی دا، كۆمپانیا مایكروسوفت راگه‌هاند كو هه‌موو ئه‌و هژمارێن وان یێن نوو دهێنه چێكرن دێ د بێ ژمارێن نهێنی بن، ئانكو دێ هنده‌ك رێیێن دی بۆ چوونا ناڤ هژمارێن خوه بكار ئینن.
مایكروسوفت دایه زانین ژی كو نها ب ره‌نگه‌كێ به‌روه‌خت و وه‌كو ده‌ست پێك ئه‌و هژمارێن نوو یێن دهێنه چێكرن پاسوردی داخواز ناكه‌ت و ل جهێ وێ دێ به‌سما ده‌ستی یان ژی یا سه‌روچاڤان یان ژی چه‌ند رێیێن دی یێن هه‌ین دێ داخواز كه‌ت، ئانكو پێدڤی ب ژمارا نهێنی ناكه‌ت.
ئاشكه‌را ژی كریه كو ب بۆچوونا وان ب ڤێ رێ دێ بزاڤێ كه‌ین رێگریه‌كا باش ل وان كه‌سێن ده‌روون نزم گریت یێن بزاڤێ دكه‌ن بچنه ناڤ هژمارێن كه‌سان و پێزانینێن وان بدزن.
شاره‌زایێن ڤی واری ژی دده‌نه دیاركرن كو رۆژ بۆ رۆژێ وارێ ته‌كنۆلۆژیایێ و ته‌كنۆلۆژیا ژماران پێشكه‌فتنه‌كا باش ب خوه ڤه دبینیت و ئه‌ڤه ژی ئێك ژ وان رێیانه كو هه‌ر چاوان بیت ژمارا نهێنی ژی ژبیری ناكه‌ن چونكو یان تبلا وایه یان ژی دێمێ وان!
