مــــه قه‌یــــــران جــــێ كرن!!
بویه‌رێن روَژهه‌لاتا ناڤه‌راست بله‌ز یێن دهێن و ئالوزی وگرژی ب خوه‌ڤه دبینیت و تێكه‌لی هه‌ڤ بوینه دهزرێن من دا كو وه‌لاتێن زلهێزێن جیهانێ و نه‌ته‌وێن هه‌ڤگرتی و كومكارا عه‌ره‌بی بوونه مینا بینه‌ر بوَ فلمێ روَژهه‌لاتا ناڤه‌راست و ره‌وشا ئالوز داكو به‌رژه‌وه‌ندیێن خوه ل ده‌ڤه‌را روَژهه‌لاتا ناڤین بپارێزن. ڤان بویه‌ران كارتێكرنه‌كا مه‌زن كریه سه‌ر ره‌وشا كوردان و تێكه‌لی ڤان شه‌ره‌نیخ و پرسان بوونه و گرژی و بارگرانی ل سه‌ر ملله‌تێ كورد بوویه. بویه‌رێن بله‌ز یێن جیهانی و هه‌رێمی و عێراقێ هه‌رێما كوردستانێ ژی ڤه‌گرتیه و ره‌وشا ملله‌تێ كورد ئالوز كریه و ره‌وش كریه دمه‌ترسیێ دا. پشتی ئالوگوریێن لده‌ڤه‌را روژهه‌لاتا ناڤه‌راست په‌یدا بوین وده‌ڤه‌را مه‌ژی ڤه‌گرتی وكوردستان ژی كه‌فتیه به‌ر پێلێن دژوار یا خویایه كو ب درێژاهیا دیروكێ گه‌لێ كورد یێ لبن گه‌ف وهێرشێن دوژمنان وهه‌می ده‌ما كورد بوینه قوربان. لێ بشتی سه‌رهلدانا پیروز كو ره‌وشه‌كا نوی یاحوكمرانیێ په‌یدا بویه وچاڤێ دوژمنان پتر لسه‌ر كوردا بویه وپتر كه‌فتینه به‌ر پیلان وهێرشێن دوژمنا وهنده‌ك لایه‌ن ژی كه‌فتینه بن كونترولا وانان وره‌وشا مه به‌ره‌ف هنده‌ك سیاسه‌ت وكریارێن شاش ڤه‌برن وره‌شا مه‌شاشی بخوڤه گرتن و دژمنان بزاڤێن خو خورتر لێ كرن به‌رامبه‌ر كوردان وبتایبه‌ت هه‌رێما كوردستانێ وئه‌و هێرش وپیلانێن ڤه‌شارتی وئاشكه‌را یێن كرینه سه‌ر هه‌رێما كوردستانێ وكوردان زور دمه‌زن وبهێزو ترسناك بون وشیان ره‌وشا مه ل هه‌رێما كوردستانێ ئالوز بكه‌ن وئاڤاكرن وخزمه‌تگوزاری وكارێن چاك یین حكومه‌تا هه‌رێما كوردستانێ كێم بكه‌ن وهنده‌ك لێك نه‌گرتن ونه‌ڤیان ودوژمنكاریێ بێخنه‌دناڤ مه‌دا. بلا راستیان بێژین ودیار كه‌ین كو ئه‌م ژی وه‌كو ملله‌ت وپارت ولایه‌ن وحكومه‌ت ژی بوینه ئه‌گه‌رێن سه‌ره‌كی و هاریكار بو ئالوزكرنا ره‌وشا كوردستانێ كو ئه‌م كه‌فتینه دناڤ كێش وهه‌ڤركی یێن به‌رته‌نگێن پارتایه‌تی وسیاسی وجڤاكی یێن ناڤخویی دا ومه ده‌ست ژ به‌رهه‌م هینان وپێشه‌سازیا وجوتیاریێ وزانستی به‌ردا وماینه ب كارێن دامه‌زراندن وروینشتن وبێ كاریێ ڤه وحكومه‌تا مه وسه‌ركردایه‌تیا كوردی ژی بونه هاریكار وهه‌ڤركی لسه‌ر ڤان دامه‌زراندن وخومالیكرنا كه‌س وگروپ وئایین ومه‌زهه‌بان كرن هه‌ر لایه‌نه‌كی بو خوڤه‌كێشا داكو ببنه ئه‌ندامێن چالاك دناڤ ئیمپراتوریه‌تا وانان دا وئه‌م وه‌كو ملله‌تێ كورد ژی ژسه‌ر رێكا راست وخه‌بات وكوردایه‌تیێ ورێكا درستا ژیانا روژانه وخزمه‌تكرن وخوب خودان كرنێ هاتینه لادان ونه‌بوینه ئه‌ندامێن كاریگه‌ر وچالاك دناڤ جڤاك و وه‌لاتێ خودا ئانكو پتریا ملله‌تێ مه ژ ملله‌ته‌كێ به‌رهه‌م هێنه‌ر وپێشه‌ساز وچالاك وزیره‌ك وخورستی بوینه ملله‌ته‌كێ خاڤ وسست وگه‌مشو وته‌مبه‌ل وده‌ست به‌ردایی ومه رێزێن مه‌زن بو ملله‌تێ خویێ كورد هه‌نه لێ ئه‌م هاتینه گهورین ژباشیێ بو شاشیێ وژبه‌رهه‌مهێنان وپێشه‌سازیێ بو ملله‌ته‌كێ ده‌ست به‌ردایی وخاڤ وبێ به‌رهه‌م بتنێ مه ئارمانج وهزرا خو كرنه خانی وخارن وروینشتن ومه ئه‌و پیلانێن دوژمنان بو مه داناین جه بجه كرن ومه بده‌ستێ خو ئابور وژینگه‌ه وسیسته‌مێ خو تێكدا ومه به‌رژه‌وه‌ندا گشتی پشت گوه هاڤێت وبتنێ به‌رژه‌وه‌ندێن خو یێن تایبه‌ت لبه‌ر چاڤ وه‌رگرتن وپێشجاڤ كرن ومه روژێن سه‌ختێن شوره‌شێ وئه‌نفالان ژبیر كرن وروژێن برس وتێن وده‌ربه‌ده‌ری وزیندان وئه‌شكه‌نجه وخه‌باتا چیا وسێداره‌دان وكاره‌سات وهتد.. هه‌می ژبیر كرن وبتنێ ماینه ب به‌رژه‌وه‌ندێن خویێن تایبه‌ت ڤه وخه‌رجیاتێن بێ رامان وزێده مه دكرن ونیڤ به‌ترانیه‌كێ ئه‌م گرتین ب ملله‌ت وحكومه‌ت وگروپ وكوم وكه‌سایه‌تی ولایه‌ن ڤه ومه خو ژبیرڤه بریه وماینه ب هه‌ڤدو ڤه ومه دوژمنێ خو پشت گوه هاڤێت ومه ژبیر كر ئه‌و به‌رده‌وام یێ لسه‌ر مه كار دكه‌ن. ئه‌ڤا مه مایی ژی گرێدای بزاڤ وپێنگاڤێن كه‌سایه‌تیێن مینا جه‌نابێ سه‌روك بارزانی نه ئه‌گه‌ر نه ئه‌ڤ قه‌یرانێن مه هه‌ین دا پتر لێ هێن ودا بیته ئه‌گه‌رێ تێكدانا پروسه‌یا مه. لداویێ دبێژم بلا ئه‌ڤ قه‌یران وئارێشه ونه‌خوشی ببنه عیبره‌ت وسه‌ربور بو مه وئه‌م خو ماندو بكه‌ین وبزڤرینه پێشه‌سازی وجوتیاری وزانستی وخوبخودانكرنێ وپشت به‌ستیا خو بده‌ینه بال خو بلا جاره‌كا دی ئه‌م كورد ببینه ملله‌ته‌كێ به‌رهه‌مهێنه‌ر وزیره‌ك وخه‌مخور داكو ناڤێ كوردستانێ بلند ببیت وببینه خودان ده‌وله‌ت.
