مفتیێ سعودیێ: داعش و نوسره و ئیخوان گرۆپێن ب سه‌رداچووینه و خرابكارن
ئه‌ڤرۆ نیۆز:
سه‌رۆكێ ده‌سته‌یا مه‌زنه زانایان و مفتیێ وه‌لاتێ سعودیێ عه‌بدولعه‌زیز ئال ئه‌لشێخ گۆت: گرۆپێن توندره‌و بنوونه‌ریا داعش و به‌ره‌یێ نوسره و ئیخوانان،( د سه‌رداچوینه و چو په‌یوه‌ندى ب ئیسلامێ ڤه نینه).
رۆژناما (ئه‌لحه‌یات) یا سعودى به‌لاڤكریه، ل دۆر به‌رسڤا پرسیاره‌كا ئێك ژ قوتابیێن زانستى د خوله‌كا زانستى دا ل مزگه‌فتا ئیمام توركى بن عه‌بدوللاى ل ریازێ موفتیێ سعودى گۆت: هه‌كه ته بڤێت به‌رێخودانه‌كا بته‌مامى ب كه‌ى دێ بینى وان چو په‌یوه‌ندى ب ئیسلامێ ڤه نینه، وانا كراسێ ئیسلامێ كریه به‌رخوه بۆ به‌رژه‌وه‌ندى و بوچوونێن خوه یێن تایبه‌ت و ب سه‌ردا برنا خه‌لكى، و ئه‌و ب سه‌رداچویى نه و خوینا خه‌لكه‌كێ جه‌لال كرینه، و بێ رێزیێ ل گه‌ل نامووسا خه‌لكێ دكه‌ن، و مالێن وانا تالان دكه‌ن و چو خرابیا هه‌بیت ل سه‌ر رویێ ئه‌ردى دكه‌ن، ب كارێ تالان و ێرانكرنا وه‌لاتان بیێ حه‌ق رادبن.
موفتیێ سعودیێ هه‌روه‌سا خوه‌یاكر، ئه‌ڤ په‌یره‌وه هه‌موو د بێ بنه‌مانه، و چو خێر ژى تێدا نینه، و مه باوه‌رى نه بوان نه ب خه‌لكێ وان ژى نینه، و هه‌ر كه‌سه‌كێ به‌رێ گه‌نجێن مه بده‌ته ڤان گرۆپێن ب سه‌ردا چوویى ئه‌و شاشیه‌كا مه‌زن دكه‌ت و رێیا راست یا ژده‌ستداى.
