من ل ژێر سیبه‌را چیا خواند
جه‌مال به‌رواری
به رگێ دویێ ل ژێر سیبه‌را چیا ژ نڤیسانا پێشمه‌ركه رزگار كێسته یێ 583 لاپه‌رن قه‌وارێ ناڤنجی ب شه‌وق من هه‌می خواند و دگه‌ل روودانێن بیرهاتنێن كێسته‌یی ئه‌ز د گه‌ل خوه دبرمه سه‌نگه‌رێن پێشمه‌رگه‌ی وه‌سفه‌ك ئه‌دبیانه و زمانه‌ك ب سانه‌هی و خوش و ب شێوه‌یه‌ك ئه‌ده‌بیانه و زمانه‌كێ كوردی یێ رهوان ئه‌و روودان و شه‌ر و داستانێن پێشمه‌رگه‌ی تۆماركرین وكێسته‌ی د گه‌ل بوویه وه‌ك فلمه‌كی دادنیته به‌ر چاڤێن خونده‌ڤانی و پێڤه‌گرێدده‌ت ئه‌ز ژی پێڤه هاتمه گرێدان هه‌ر ژ به‌رپه‌رێ ئێكێ وهه‌تا دووماهیێ من خواند جارێ دێ ژ به‌رگی ده‌ستپێكه م وێنێ سێ پێشمه‌رگانه كێسته‌یی ئێك ژ وانه دكه‌نن دگرنژن وێنه دئاخڤیت وهه‌ستا مرۆڤی دجولینیت ل ژێر سیبه‌را چیا قۆناغه‌ك ژ رێبازا بزاڤا ئازادیخوازا ملله‌تێ مه تۆمار دكه‌ت ل شۆره‌شا گولانێ و تۆماركرنا قۆناغه‌ك دیرۆكی ژ خه‌باتا ملله‌تێ مه یێ كورد و ژ وندابوونێ رزگار دكه‌ت من باوه‌ره ب هه‌می ئامه‌نه‌ت بیرهاتن و دیتنێن خوه د گه‌ل پێشمه‌رگه‌ی تۆمار كرینه كێسته‌ی ڤێ چه‌ندێ دوپات دكه‌ت ده‌مێ دبێژیت: (خوزی من ئه‌و شیان هه‌بان ژیانا هه‌موو شه‌هیدان وهه‌می پێشمه‌رگان و زیندانێن سیاسی و ئه ندامێن رێخستنێنن ناڤخویی و پوسته‌چیێن شۆره‌شێ و نۆشدارێن شۆره شێ و وان ژنێن نان داینه پێشمه‌رگه‌ی و شۆره‌ش ب خودان دكر) كێسته‌ی هندێ خه‌مخورێ تۆماركرنا دیرۆكا خه‌باتا ملله‌تێ خوه‌یه ده‌مێ ل پێشه‌كیا پرتووكا خوه دا دبێژیت (ئه‌گه‌ر هه‌ر ئێك ژ مه چبكه‌كێ ژ بیره‌وه‌رێن خوه تۆمار بكه‌ت دێ ده‌ریا یا دیرۆكا مه هه‌می هێته توۆماركرن ). دیسان نڤیسه‌ر سوزێ دده‌ت تاكو ژیان ده‌لیڤه‌ی بده‌تێ ئه‌و دێ بیره‌وه‌رێن دیرۆكا شۆره‌شێ و خه‌باتا گه‌لێ خوه ب هه‌مێ شێوه‌یان تۆمار كه‌ت و ژ مرنێ بپارێزیت، دیسان نڤیسه‌ر داخوازا هه‌ڤالێن خوه دكه‌ت و دبێژیته وان: وه‌رن دا پێگڤه هه‌ر ئێك ژ مه ب شێوێ خوه چ بنڤیسین و چ ب تۆمار كرنا ده‌نگی یان ژی ده‌نگ و ره‌نگ هه‌موو بیره‌وه‌ریێن خه‌بات و به‌رخودانا گه‌لێ خوه تۆمار بكه‌ین و ژ مرنێ رزگار كه‌ین هوون دبیینن رۆژانه قاره‌مانێن مه ئێك ئێكه یێ دكه‌ڤن و ل به‌ر باهۆزا ژیانێ د وه‌ریێن دیرۆك و چیرۆك و ژان و ئازار و سه‌ركه‌فتن و شانازی و هه‌موو بیره‌وه‌رێن وان ل بن تاڤیێن بارانا خه‌مساریا مه و پێلێن له‌هیا ته‌مبه‌لیا مه تێنه رامالین و دچن دكه‌ڤنه دبنێ ده‌ریا ژ بیركرنێ دا، نڤیسه‌ر دانپێدانێ دكه‌ت ده‌مێ دبێژیت: گه‌له‌ك جارا ئه‌م گازندا ژ نفشێ پشتی سه‌رهلدانا 1991دكه‌ین و دبێژین هه‌ستا نه‌ته‌وی د ناڤ وان دا یا كێمه یا ژی هه‌ر نینه ب دیتنا من چو گونه‌ها وان نینه، لێ گونه‌ها مه‌زن یا مه نڤشێ به‌ری وانه مه ئه‌و خه‌لك یێ ژ نجیرا دیرۆكێ پچاندی و ئه‌م نه شیاینه قۆناغا به‌ری سه‌رهلدانێ ب قۆناغا پشتی سه‌رهلدانێ ڤه گرێده‌ین و وێ دیرۆكێ ب شێوه‌یه‌كێ دروست بگه‌هینینه وان ڤێ چه‌ندێ ژی یا وه كری كو ئه‌ڤ ڤالاهیه ب هنده‌ك تشتێن دی یێن بچوكێن ناڤچه‌یی یان ژی بیانی بێته تژیكرن، ئه‌ڤه ژی راستیه‌ك مه‌ترسیداره پرتووكا ل ژێر سیبه‌را چیا هه‌ژی خواندنێیه و ئه‌ز دبینم فه‌ره هنده‌ك بابه‌تان ژ پرتووكێ هه‌لبژێرن وه‌ك چالاكیه‌ك ل قوتابخانا بهێنه خواندن. داكو ئه‌ڤ نڤشه ئاگه‌دارێ دیرۆك و قورباتیێن ملله‌تێ خوه ببیت و ئه ز دبینم و پیشنیاز دكه‌م خوزی بێته وه‌رگێڕان بۆ زمانێ عه‌ره‌بی ده‌ستخوش رزگارێ پیشمه‌رگه و ئه‌م یێ ل هیڤیا به‌رگێ سیێ ل ژێر سیبه‌را چیا.
