من پلا ئێکێ د بەریکانەکا هونەری دا ب دەستخوەڤە ئینا
زاخۆ، دلۆڤان هالۆ:
هونەرمەندێ شێوەکار یێ ئیدارەیا سەربخوە یا زاخۆ کەلحی نعمەت د دیدارەکێ دا بۆ ڕۆژناما ئەڤرۆ دیارکر کو من د پێشبڕکیەکا هونەرێ شێوەکاری دا بناڤێ بەریکانا لێدانا ڕەشەبایی یا ئەکادیمیا پایتەختێ کارگێڕی یێ نوو بۆ هونەر و ڕەوشەنبیریێ پلا ئێکێ ل سەر ئاستێ گەلەك وەلاتێن جیهانێ ب دەستخوەڤە ئینا.
ناڤهاتی ئاماژە ب وێ چەندێ ژی کر کو لەوڕا ئەز سۆزێ د دەم کو ئەز هەردەم ب فڕچە و ڕەنگ و کەڤالێن خوە ب دلسۆزی و پڕی ڤیان خزمەتا گەل و وەلاتێ خوە کوردستانێ و باژێرێ خوە یێ خوەشتڤی زاخۆکا دەلال بکەم.
گۆت ژی:»ل دهمێ ئهز قوتابی ل پۆلا شەشێ سهرهتایی حهزا هونهرێ شێوەکاری ل دهف من پهیدا بوو، من ڕۆژانه کەڤال د نهخشاندن و ل سهر دیوارێن ئاڤاهیێ مالێ ژی وێنه د کێشان و خوەشیهكا بێ سنوور من ژێ وهردگرت، مالبات و ماموستایێن من ژی پشتهڤانیا من دكرن و دهست خوەشی ل من د هاته كرن كو ئهز بهردهوام بم ل سهر ڤێ بزاڤێ».
زێدەتر ژی گۆت:»شێوهكارێ سهركهفتی ئهوه یێ كو بهردهوام بزاڤێن خوە بۆ خهلك و حهز ژێكهرێن شێوهكاری بهرچاڤ بكەت، یێ بەردەوام بیت ل سهر دروست کرنا کەڤالان و ههر خوە نێزیكی ڕهنگان بكەت، د جیهانا هونهری دا بژیت و ب دلسۆزی خزمهتا هونهرێ وهلاتێ خوە بكەت».
