مه‌رجێ ئه‌نقره برانبه‌رى پێشمه‌رگه‌ى و كوبانێ بزانه
ئه‌ڤرۆ نیۆز:
ژێده‌ره‌كێ ئۆپۆزسیۆنا له‌شكرێ ئازادێ سوریا بۆ رۆژناما شه‌رق ئه‌لئه‌وسه‌ت ئاشكراكر، توركیا رێ ناده‌ته پێشمه‌رگێ هه‌رێما كوردستانێ ده‌ربازى ئاخا وه‌لاتێ سوریا بۆ باژێرێ كوبانێ بچیت، هه‌كه ب مه‌رجێن وێ رازى نه‌بیت.
حزبا ئێكه‌تیا دیموكراتى یا كوردێن سورى( PYD) كو شه‌رڤانین وێ نها ل هه‌مبه‌رى چه‌كدارێن داعشێ ل كوبانێ ب شه‌رێن دژوار دكه‌ن، دبێژیت دانوستاندن ل دۆر ڤى بابه‌تى د به‌رده‌وامن و دبیت ئه‌نجامێن باشى ژى ل ده‌مژمێرێن بهێت دا هه‌بن.
توركیا دڤێت ل هه‌مبه‌رى هاتنا پێشمه‌رگه‌ى بۆ كوبانێ 1300 چه‌كدارێن له‌شكرێ سوریا ئازاد كو ژ شه‌ش گرۆپان ب سه‌رۆكاتیا عه‌قید عه‌بدولجبار ئه‌لعكیدى سه‌رۆكێ به‌رێ یێ جڤاتا شۆره‌شا باژێرێ حه‌لبێ بهێنه دناڤ كوبانێ دا.
هه‌ژى كوتنێ یه ل ده‌سپێكا چوونا پێشمه‌رگه‌ى بۆ كوبانێ بڕیار ئه‌و بوو 500 پێشمه‌رگه بهێنه ره‌وانه‌كرن بۆ كوبانێ، به‌لێ توركیا بتنێ رازیبوونا خوه ل سه‌ر 155 پێشمه‌رگه‌ى دیاركر.
