مه‌سرور بارزانى: بێى چه‌كێ گران و پێشكه‌فتى داعش نا هێته ژناڤبرن
ئه‌ڤرۆ نیۆز:
شیره‌تكارێ جڤاتا ئاژانسا پاراستنا هه‌رێما كوردستانێ كوردستانێ مه‌سرور بارزانى، ئه‌ڤروچ ل گه‌ل بالیۆزێ كه‌ندى ل عیراقێ و ئوردنێ برۆنو ساكومانى كومبوو و به‌حسێ نووترین پێشهاتێن مه‌یدانى ل به‌روكێن شه‌رى هاتنه كرن، بتایبه‌تى وان سه‌ركه‌فتنێن پێشمه‌رگێ هه‌رێما كوردستانێ دژى داعشێ ئه‌نجامداین، هه‌روه‌سا دوپاتكر، شه‌رێ دژى تیرۆرستێن داعشێ شه‌ره‌كێ نێڤده‌ولى یه و دڤێت هه‌موو رۆلێ خوه تێدا ب بینن.
شیره‌تكارێ جڤاتا ئاژانسا پاراستنا هه‌رێما كوردستانێ دوپاتكر، پێدڤیا پڕ چه‌ككرنا هێزێن پێشمه‌رگه‌ى ب چه‌كێ گران و چه‌كێ ژناڤبرنا مینان، هه‌روه‌سا ئاماژه‌دا، هێزا پێشمه‌رگه‌ى تاكه هێزه به‌رسینگێت داعشێ گرتینه.
هه‌ر دوێ كومبوونێ دا مه‌سرور بارزانى گۆت: بیێ چه‌كێ گران و چه‌كێ نوو و پێشكه‌فتى هێرشێن داعشێ ناهێنه راگرتن و ژناڤبرن، چونكى داعشێ هێزه‌كا مه‌زن یا هێرشبرنێ ل سوریا و عیراقێ هه‌یه و ئه‌ڤ شه‌ره یێ به‌رده‌وامه.
ژئالیێ خوه‌ڤه بالیۆزێ كه‌نده‌ى پێگیریا وه‌لاتێ خوه بۆ پشته‌ڤانى و هاریكریا هه‌رێما كوردستانێ دوپاتكر، هه‌روه‌سا ئاماژه‌دا وێ به‌لگه‌ناما تێكگه‌هشتنێ یا دناڤبه‌را وه‌زاره‌تا پێشمه‌رگێ هه‌رێما كوردستانێ و وه‌لاتێ كه‌ندا هاتیه ئێمزاكرن.
ساكومانى هه‌روه‌سا دوپاتكر، وه‌لاتێ كه‌ندا دێ پشكداریه‌كا ب هێز د شه‌رێ دژى تیرۆرێ دا كه‌ت، دیسان خوه‌یاكر، په‌رله‌مانێ كه‌ندى رێ دایه پشكداریا فرۆكێن كه‌ندا پشكدارێ ژ ناڤبرنا داعشێ دا بكه‌ن.
