مه‌سرور بارزانى: هێشتا ئه‌گه‌رێن دوباره سه‌رهلدانا داعش ماينه
ئه‌ڤرۆ نيوز:
ئه‌ڤرۆ رۆژا سێشه‌مبى سه‌رۆكێ حوكمه‌تا هه‌رێما كوردستانێ پێشوازى ل جنێرال لا كامرا فه‌رمانده‌يێ هێزێن هه‌ڤپه‌يمانان ل عيراقێ و سووريێ و شاندێ دگه‌ل دا كر.
د كومبوونه‌كێ دا مه‌سرور بارزانى سه‌رۆكێ حوكمه‌تا هه‌رێما كوردستانێ به‌حس ل ره‌وشا سياسيا عيراقێ و ده‌ڤه‌رێ كر و جنێرال لا كامرا ئاماژه ب گرنگيا هه‌ماهه‌نگيا ناڤبه‌را هێزێن پێشمه‌رگه و هێزێن عيراقێ كر پێخه‌مه‌ت رووبرووبونا لڤينێن تيرورستێن داعش كو نوكه هێشتا گه‌فن ل سه‌ر ره‌وشا ئاسايشا عيراقێ ديسان بووينه رێگر به‌رامبه‌ر ڤه‌گه‌راندنا ئاواره‌يێن وان ده‌ڤه‌را.
مه‌سرور بارزانى سوپاسيا رولێ هێزێن هه‌ڤپه‌يمانان و تايبه‌ت ئه‌مريكا كر د شه‌رێ هه‌مبه‌ر تيرورستێن داعش و دياركر هێشتا ئه‌و مه‌ترسى و ئه‌گه‌رێن سه‌رهلدانا دوباره يێن داعش ل ده‌ڤه‌رێ ماينه و ل گه‌له‌گ ده‌ڤه‌ران ژى داعش كريارێن خوه يێن تيرورستى ئه‌نجامده‌ت و هێشتا مه‌ترسيه بۆ سه‌ر خه‌لكێ ده‌ڤه‌رێ.
