مه‌سرور بارزانى پیرۆزباهیێ ل مالكى دكه‌ت
ئه‌ڤرۆ نیوز:
سه‌رۆك وه‌زیرێن هه‌رێما كوردستانێ، مه‌سرور بارزانى ئه‌ڤرۆ ئێكشه‌مبى 14/7/2019 ب هه‌لكه‌فتا ب دووماهى هاتنا كۆنگرێ حزبا ده‌عوه یا ئیسلامى و دووباره هه‌لبژارتنا نورى مالكى بۆ پۆستێ ئه‌میندارێ گشتیێ وێ حزبێ، په‌یامه‌كا پیرۆزباهیێ ئاراسته‌ى حزبا ده‌عوه یا ئیسلامى وئه‌میندارێ وێ یێ گشتى كر.
مه‌سرور بارزانى د وێ په‌یاما پیرۆزباهیێ دا بۆ مالكى گۆت” هیڤیدارم هه‌لبژارتنا ته ببیته ده‌ستپێكرنا قۆناغه‌كا نوو يا په‌یوه‌ندیان ل گه‌ل هه‌رێما كوردستانێ ل بن رۆناهیا وێ ره‌وشا ئه‌رێنى ئه‌وا نوكه هه‌ى”.
گۆت ژى” دخوازین حزبا ده‌عوه رۆله‌كێ كارا د زێده‌تر چه‌سپاندنا وى سه‌قایێ ئه‌رێنى دا بگێریت وببیته هوكاره‌ك بۆ باشتركرنا په‌یوه‌ندیێن د ناڤبه‌را هه‌ولێرێ و به‌غدا، هه‌روه‌سا ببیته هوكارێ گه‌شه‌پێدانا زێده‌تر ل هه‌موو عیراقێ”.
