موستەشارەكی نەهـ هزار دینارێن هینگێ بۆ ئازادكرنا مە ژ زیندانـێ وەرگرتن و ئەم ئازاد نەكرین
دیدار: رەمەزان دەشتمری/ زاخۆ
1-5
دەمێ مروڤ قەستا چیایێ كێڕەیی دكەت و و ژ گوندێ پەرەخێ دادكەڤیت و ژ گەلیێ قوسروكێ دبوریت ل ڤێرێ گوندێ مێرگەشیشێ دبینت، ئەڤ دیمەنێن گوندێ مێرگەشیشێ ب دوڤ دیمەن و ناڤ و دەنگ و ناڤێ خوەیە. ژبەركو ئەڤ گوندە با خەملاندیە ژ میرگ و چیمەن و گول و چیچەكان و هەر وەسا ل وەرزێ گەرمایێ خەلكێ ئەڤی گوندی قەستا زومێن بێزەنینكێ وارگەهێن خۆە یێن ئەوێن ل ئەوان زوزانان دكرن، و هاڤینا خۆە ل وێرێ دبوراندن.
ڕۆژنامەیا ئەڤرۆ دیدارەك دگەل كەسەكێ زیندایێ سیاسی كر، ئەوژی مە گوتێ: خۆە بدە نیاسین و گوت ناڤێ من: وەلید ڕەشید عەمەر یێ ناسیار ب وەلید مچولێز ل بهارا سالا 1969ی ل گوندێ مێرگەشیشیێ 1 ژ دایكبوویمە. گوت: بیرا من دهێت ل سەردەمێ شۆڕشا مەزنا ئەیلۆنا بابێ من و دگەل خەلكێ ئەوان گوندان پێشمەرگەبوون و خودێ ژێڕازییا دەیكا من دگوت: بابێ تە یێ چویی گلالە و كار و بارێن مالێ هەمی ل سەر ملێن دایكا من بوون. هەر وەسا ل ئەوی دەمێ ئەو گوندێن مە یێن تیرا مچولیا دگەل كوردستانا باكورو نەخاسمە گەلیێ عەشیرەتا گۆییان تێكەلیەكا باش هەبوون. دەربارەیی كڕین و فروتن و بارگانی هەبی و خەلكێ دەبارا ژیارا ئەوی سەردەمی لێ دبوراندن. هەر وەسا وەلین مچولی گوت: دەمێ نسكویا شەشی ئادا سالا 1975ی ب سەرشۆڕشا مەزنا ئەیلونێ داهاتی ل ئەوی دەمی باش بیرا من دهێت بابێ من و دگەل كەس و كارێن مە ب مەلویلو دلكولی بۆ باژێڕێ زاخۆ هاتنو تڤەنگێن خۆە ڕادەستی حكومەتا ئیراقێ یا ئەوی سەردەمی كرن.
پشتی نسكویێ بابێ من دەست كەد كەسپا خۆە كر. ئەوبی ل هەیڤا حەفت یا سالا 1975ی دوو پولیس ل گەلیێ قەسرۆكێ دناڤبەرا گوندێ مێرگەشیشێ و گوندێ قەسرۆكێ دا هاتن كوشتن.. ئەوبی لەشكرێ حكومەتا ئیراقێ ژ فەوجا گوندێ شەرانشێ هات و ئەم خەلكێ گوندێ شیشێ ل بنێ بێدەرێن گوندی كومكرن و ئەفسەرێ ئەوی لەشكری گوتەموختارێ گوندی یان هوین دێ بێژن: كێ ئەڤ هەردوو پولیسە كوشتینە یان ئەم دێ ئەڤی خەلكێ گوندێ مێرگەشیشێ گولە باران كەین. ئەوبی ل ئەوی دەمی كەسەكی مەسیحی یێ خەلكێ گوندێ ئێرێ ئەوژی دناڤ ئەوی خەلكێ دا بی و ئەو كەسە ڕابی چوو دەف ئەوی ئەفسەرێ لەشكری و گوتی: ئەفسەرێ هێژا خەلكێ ئەڤی گوندی چ تاوانا خۆە نینن و ئەڤ هەردو پولیسێن هاتین كوتن ب دەستێن خەلكێ كوردستانا باكورن و ئەڤ كریارە یێن ئەنجامداین دا نەخوشی و ئاریشە بۆ ئەڤی گوندی پەیدا ببت. دەمێ ئەڤ كەسێ مەسیحی ئەڤ ئاخفتنە بۆ ئەفسەری گوتین. ئەڤ سەری بریاردا زاڕوك و ژن و كەسێن دان عەمر بۆ ناڤ گوندی ب زڤڕن و ب تنێ زەلام ل دەف ئەوان بمینن. پتر ژ دوازدە زەلامان ژ خەلكێ گوندی دەستەسەركرن و دگەل خۆە برن و ل ئەوێ شەڤێ زیندانكرن، و ل ڕۆژا پاشتر ئازادكرن. ڤێجا ئەوبی ئەو زەلامێن گوندی ئەڤێن دەستەسەركرین دڤیا هەر حەفتێ قەستا ناحیا شەرانشێ كربان و ڤەكولین دگەل ئەوان دهات كرن، و ڕاستیا بابەتێ كوشتنا هەردوو پولیسان ب دروستی بۆ كوشتنا ئەوان ب زانن، ل هەیڤا ئەیلونێ هەر ئەوێ سالا 1975ی گوندێ مە مێرگەشیشێ دگەل ئەوان گوندێن دەڤەرێ ل سەر جهـ و مولك و مالێن ئەوان ڕاكرن، و هەر چەند مالەك بۆ جهەكێ هەر ژ گوندێ و بێرسڤی و گوندێ دەركارێ و تلكەبەرێ و زاخۆ ئاكنجی بین، ل ئەوی دەمی مالا بۆ گوندێ تلكەبەرێ هات و مە ئاڤاهیەك ژ ئاخێ و لبنا مە بۆخۆە كڕی و لێ ئاكنجی بین.
زیندانیێ سیاسی وەلید مچولی هەر وەسا گوت: ل پایزا سالا 1975ی ل پولا ئێكێ سەرەتایی ل قوتابخانا گوندێ دارهوزانێ هاتم وەرگرتن، هەلبەت هەتا پولا دوویێ سەرەتایی من ل قوتابخانا دارهوزانێ خواند كو ل ئەوی دەمی و دناڤ ئەوان كاوداناندا و ئەو قوناغا ڕیكا گوندێ دارهوزانێ و گوندێ تلكەبەرێ دا مە ل وەرزێ سەرمایێ و بەفر و بارانێ دا بەردەوامە ب خواندنێ دهاتەدان، ئەوبی پاشی حكومەتا ئیراقێ قوتابخانەیەكا سەرتایی ل گوندێ تلكەبەرێ هات ئاڤاكرن، ئەڤجا ل پولا سیێ سەرەتایی هەتا پۆلا شەشێ سەرەتایێ من ل قوتابخانا كومەلگەها تلكەبەرێ خواند، ئەوبی خواندنا چوناغا ناڤنجی من ل زاخۆ قوتابخانا بەدرخان یا كوڕان تەمامكر.
