موستەشارەكی نەهـ هزار دینارێن هینگێ بۆ ئازادكرنا مە ژ زیندانـێ وەرگرتن و ئەم ئازاد نەكرین
دیدار: رەمەزان دەشتمری/ زاخۆ
4-5
ئەم بۆ باژێرێ بەغدا هاتین و بۆ دەف مالا باب دوستێ خۆە یێ مەسیحی یەبری ڕزقو ئەو ب خۆە خەلكێ گوندێ ئێرێ ب ڕەخ گوندێ مەڤە بوو و ل ئەوی دەمی مالا ئەوی ل باژێرێ بەغدابوو. ئەم بۆ مالا ئەوان هاتین و ل ڕۆژا پاشتر ب بهانەیا سەرەدانا ئەوڤێ زیندانا ئەبو غرێب بكەن، و ئەم ل تە ب گەڕن یان و بەرلكو تشتەكێ ژتە ب زانن. و برلیێ من بەشیری گوت: سوپاس بۆ خوادیێ مەزن ئەڤە مە ب ساخی تو دینی و كو تو یێ هاتی حكومكرن. زیندانیێ سیاسی وەلید ڕەشید بەردەوامی داد یدارا خۆە و گوت: مە ڕۆژانێن خۆە ل زیندانا ئەبو غرێب دا یوراندن و ڕۆژانە بەرپرسێن ئەوێ زیندانێ دا هەمی ڕۆژان ل دەمژمێر چواری سپێدێ مە ژخەو راكەن، و بۆ گورەپانا ئەوێ زیندانێ گێرینن و مە هەژمێرن هەتا دەمژمێر دووی نیڤرو ئەم ل بەر ئەوێ هەتاڤێ مینن و هەر وەسا دا كۆمبوون سمینار و سیاسەتا حزبا بەعس بۆمە بێژن. هەر وەسا ڕۆژەكێ ئەو زیندانی هەمی ل گورەپانێ كرنە ڕێز و گوت مە دڤێت هەر ئێك ژهەوە یەك بوتلێ خوینێ بۆ شەرێ قادسیێ پێشكێش بكەن، بۆ ماوێ چوار دەمژمێران ئەم ل گورەپانێ دا ماین ئەو بۆ دەمێ سالك و هەشت هەیڤان د زیندانێ دا مام و دەمێ بوتلێ خوینێ ژلاشێ من كێشاین ئەز گێژ دبووم و ل سەر ئەردێ كەتم و بێ هش دبووم. هەڤالێن من ئەز راكرم هندەك ئاڤ ب سەرێ منداكرن و بۆ سەر جهێ من ئێنام. ئەوبی پششتی بورینا دوو هەیڤان هەتا ئەوی دەمی جهێ نڤستنا مە ل سەر ئەوێ جویا ئاڤێ ئەوا دنیڤا هولێ داد بوری و ئەم نەچاربین هوسا دەمێ خۆە ببورینن. ئەوبی پاشی هندەك جهێن تەختا مان ڤالە و مە جهێن خۆ بۆ سەر ئەوان تەختان برن. هەلبەت ل ئەوی دەمی خواندن ژمە چوو و پارێن مەژی موستەشاری خوارن.
بەلێ ل ئەوی دەمی هندەك زیندانی هەبین بۆ خۆە كاردكرن و جلكێن زیندانیا ب پارە دشویشتن. ئەو هولا ئەم لێ ئاكنجی بەرپرسێ مە یێ زیندانێ ئێكێ دگوتنێ: خەلەف گەرگەری بۆ من گەلەك یێ باشبی و هەر وەسا جێگرێ وی عەلی سورو بی ئەوان نەدهێلان كو ئەز ژ كاران بكەم. هەلبەت ب ڕیكا ئەوان كەس و كارێن مە دەمێ بۆ سەرەدانێن زیندانیا دهاتن و دەنگوباسێن دەڤەرێ بۆمە دئینان، مە هوسا ڕۆژانێن خۆە ل زیندانا ئەبوغرێب بوراندن هەتا ڕۆژا 8/8/1988ی شەرێ هەشت سالی دناڤبەرا ئیراقێ ئیرانێ داهاتی ڕاوەستاندن.
پیچەكێ كەیفا مە هات و ئەوبی تشتێ ژ هەمیێ نەخوەشتر بۆمە ئەوبوو دەمێ ئەنفالا ڕەش ل ڕۆژا 25/8/1988ی ل دەڤەرا بەهدینا هاتی ڕاكرن و گوندێن كوردستانی هاتین وێران و كاڤلكرن. ئەوبی ل ڕۆژا 4/9/1988ی بەرپرسەكێ مەزن یێ حكومەتا ئیراقێ بۆ ناڤ زیندانێ دا و هات و ئەو زیندانی هەمی ل گورەپاتێ كومكرن و بۆمە ئاخفت و گوت یێ حكومەتا ئیراقێ دلوڤانیەكێ ب هەوە بەت و دڤێت هوین سوپاسیا حكومەتا ئیراقێ سەروكێ ئیراقێ بكەن، ژبەر ئەڤێ دلوڤانیا ب هەوە دبەت و بابەتێ لێبورینێ مە بە بەحس نەكر. ئەو بوو ل دوڤ بریارا ژمارە(736) ل ڕۆژا 6/9/1988ی لێبورینا گشتی بۆ هەمی زیندانیێن سیاسی یێن كورد هاتە دان. ئەو خەلكە هەمی دارژانە گورەپانا زینداێ و كەیف و ئاهەنگ گێران. ڤێجا ئەو بوو ئیدارا زیندانێ هەمی ئەو فایلێن زیندانیان بۆ گورەپانێ برن ئەم بین ڕێو و كەت كەتە ناڤ دخواندن هەر كەسێ ناڤێ وی خواندبا دا موهرەكێ ل دەستێ ئەوی دەت و فایلا ئەوی دەتێ و بێژتی هەرە تو ئازادبی. ئەم دوو ڕۆژان د ئەوی سەر و بەری دا مان ل دەمەكێ ناڤێ من خواند و ئەز چوم من فایلا خۆە وەرگرت و موهرەك ل دەستێ مندا و ئەز ژ زیندانێ دەركەفتم. دەمێ ئەز بۆ بەردەرگەهێ زیندانێ هاتیم ب دەهان كەس ژ خەلكێ كوردستانێ هاتن بەراهیكا من ئەز ماچی كرم، و هەر ئێكێ پرسیارا مرۆڤێن خۆە كر و منژی گوتە ئەوان من ناسكرین و گوتی: نوكە هەمی زیندانی یێن ل گورەپانێ ڕاوەستاین و ناڤا دخوینن و ڤێن هئێك و شانسێ خۆە كا دێ كەنگی ناڤێ ئەوی دەركەڤیت، من نەزانی كو بریێ من بەشیر ئەو دوو دوو ل سەر ئێك یێ بۆ بەر دەرگەهێ زیندانێ دهێت و هەتا ئیڤاری دمینن و ژ تشتی ژ بەردانا من نزانن و ل ئەوێ ڕۆژێ بوچی نەهاتبین، ل دەمەكێ من بەرێ خۆە دایێ ئێكە نیاس ناڤێ ئەوی ئیبراهیم مەعروف خوالشی من دیت كو برایێ وی یوسف ئەوژی ل زیندانا ئەبوغرێب حكومكری بی و من گوتێ هوین دێ چكەن؟ ئەوی گوت نوكە ئەم دێ بۆ باژێرێ بەغدا چین و ئەڤ شەڤە دێ ل ئوتێلێ بین و جاەكادیتر سەبهی دێ بۆ ڤێۆێ هین و هەتا برایێ مە یوسف ژی بێت بەردان،.
