موفتیێ قاعیده: خیلافه‌تا داعش ل سه‌ر بناغه‌كێ ( فاسد) هاتیه دانان
ئه‌ڤرۆ نیۆز:
موفتیێ رێكخستنا قاعیده یاتیرۆرى (ئه‌بو حه‌فس ئه‌لموریتانى) هێرشه‌كا دژوار كره سه‌ر چه‌كدارێن داعشێ و گۆت خیلافه‌تا ئه‌بو به‌كر به‌غدادى ل سه‌ر بنه‌مایه‌كێ فاسد هاتیه دانان.
ئه‌بو حه‌فسێ مۆریتانى د هه‌ڤدیتنه‌كا تلێفزیۆنى دا راگه‌هاند، رێكخستنا داعشێ دشه‌رێ عیراق و سوریا دا گه‌له‌ك پێشلیكارى و كارێن قه‌دغه‌كرى سنورێن وان به‌زاندن، هه‌روه‌سا ئاشكراكر، كریارێن داعشێ كارتێكرنێن نه‌رێنى ل سه‌ر جه‌ماوه‌رێ قاعیده كریه.
مۆریتانى ئاماژه‌دا، هندێ پێشێلكرنا قاعیده بۆ شه‌ریعه‌تى بویه ئه‌گه‌رێ ده‌ست ژ كاركێشانا وى و ده‌ركه‌فتنا وى دناڤ رێزێن قاعیده دا.
ئه‌بو حه‌فسه‌ى گۆت: خیلافه‌تا به‌غدادى یا بێ بنه‌مایه و یا بالته و نه ئه‌و خیلافه‌ته یا موسلمان چاڤه‌رێ و ل هیڤیێ چونكى ل سه‌ر بنه‌مایه‌كێ فاسد هاتیه دانان، زێده‌بارى وێ دیاركر، من ئاگه‌ه لێ نه‌بوویه چو زانایه‌كێ ئومه‌تێ پیرۆزباهیا به‌غدادى كربیت یان دانپێدان ب خیلافه‌تا وى كریبت.
