مووچێ ماموستایێن زانكۆیێ دێ هێته كێمكرن
ئه‌ڤرۆ نیۆز:
سه‌رۆكێ لیژنا خواندنا بلند یا په‌رله‌مانێ عیراقا فیدرال شێركۆ میرزا مه‌نگۆرى ئاشكراكر، كو بڕیاره‌ك یا هه‌ى سه‌باره‌ت بڕینا رێژه‌كا موچێ مامۆستایێن زانكۆیێ و كادرێن خواندنا بلند و ئه‌و بڕیار ب بڕیاره‌كا سه‌یر و ب له‌ز و یێ به‌رنامه ژ ئالیێ وى ڤه هاته سالوخه‌تدان، شێركۆى هه‌روه‌سا دوپاتكر، كو نابیت ده‌ست ب مۆچێ ده‌سته‌یا مامۆستایێن وه‌لاتى دا بهێته كرن و ره‌نگڤه‌دانێن خراب دێ ل دووڤ دا په‌یدابن نه خاسم دبیاڤێ په‌روه‌رده‌كرنێ دا.
ناڤبرى د به‌یاننامه‌كێ دا كو ئاژانسا ئه‌لمه‌علوماتیه به‌لاڤكریه، كو ژئالیێ هنده‌ك به‌رپرسێن وه‌زاره‌تا خواندنا بلند ئه‌و هاتیه ئاگه‌هداركرن، كو وه‌زاره‌تا دارایى فه‌رمانه‌ك ده‌رخستى یه بۆ بِینا رێژه‌كا مه‌زن ژ موچێن كادرێن فێركرنێ یا وه‌زاره‌تا خواندنا بلندا ب ئه‌گه‌رێ قه‌یرانا دارایى یا وه‌لاتێ عیراقێ په‌یدا بووى.
میرزاى حێبه‌تیا خوه ژ وێ بڕیارێ راگه‌هاند كو ئایه وه‌زاره‌تا دارایى چو میكانیزمێن دى نینه بۆ ب ده‌ستخستنا پاره‌ى ژ بلى بڕینا موچێ كاردێن فێركرنێ نه‌بیت، ئه‌رى باشتر نه‌بوو ل جهێ وێ بڕیارێ پاسه‌وانێن به‌رپرسان بهێنه كێمكرن؟!.
