موھەند و لەمیس د نووترین دراما دا
ئەڤرۆ نیوز:
(بوێر و جوان) ناڤ و نیشانێن نووترین زنجیرا تورکی نە و نوکە پتریا خەلکێ وەلاتێ تورکیا چاڤەرێی پەخشکرنا ڤێ درامایێ دکەن کو ھەر دو ئەکتەرێن تورک(کڤانچ تاتلتوگ و توبا بێوکستۆن) رۆلێ سەرەکی تێدا دگێرینن، زنجیرا ناڤبر نوکە چەند خەلەک ھاتینە وێ،ەکرن و دھێتە چاڤەرێکرن چەند حەفتیێن داھاتی ئێکەم خەلەکە بھێتە پەخشکرن، چاڤدیرێن ھونەرێ درامایێ ئاشکرا دکەن کو ھەتا نوکە چەند دیمەنێن کورت ھاتینە بەلاڤکرن لێ پێشبینی دەَتەکرن بینەرەکێ زور ھەبیت ل سەر دیتنا ڤێ دراما نوو.
جھێ ئاماژەکرنێ یە کو ئەڤ ھەر دو ھونەرمەندێن تورک بینەرەکێ مەزن ل سەر ئاستێ تورکیا و رۆژھەلاتا ناڤین ھەیە و تایبەت پشتی درامایێن تورکی بۆ زمانێ عەرەبی ھاتینە ڤەگوھاستن، دیسا پێشبینی ھێتەکرن ئەڤ درامایە بۆ چەندین زمانێ، جودا بھێتە ڤەگوھاستن.
کڤانچ تاتلتوگ، کو زێدەتر ب ناڤێ موھەند بەرنیاس بوویە ، ل سالا 1983 ژ دایک بوویە، ل دەسپێکا ژیانا خوە وەک نیشاندەرێ جلو بەرگان ھاتیە نیاسین دووڤ دا دەست ب دراما کریە، دیسا ئەکتەرا تورک توبا بیوکستون ل ھەرێما کوردستانی زێدەتر ب لەمیس ناڤدار بوویە، ل سالا 1982 ژدایک بوویە ل باژێرێ ئستەنبوولێ، وەک ئەکتەرا سەرەکی پشکداری چەندین درامایێن تورکی بوویە.