میلانیا دێ ژ ترەمپی جۆدا بیت
ئەڤرۆ نیوز ، زنار تۆڤی:
هاریکارێ بەرێ یێ سه‌رۆكێ ئه‌مریكا ئاشكرا کریە، کو میلانیا رۆژان دهژمێریت بۆ جۆدابوونێ ژ هەڤژینێ خوە.
ئۆمارۆسا نیومان هاریکارێ بەرێ یێ سه‌رۆكێ ئه‌مریكا، د پەرتووکا خوە یا نوو دا بەحسێ رۆژانێن كۆچکا سپی دکەت و دبێژیت، هەڤژینا دۆنالد تره‌مپێ سه‌رۆكێ ئه‌مریكا میلانیا رۆژان دهژمێریت بۆ جۆدابوونێ ژ ترەمپی.
نیومان دبێژیت ژی، میلانیا بۆ شه‌رمزاركرنا هەڤژینێ خوە جلێن نەئاسایی دکەتە بەرخۆ و دبێژیت دەمێ مرۆڤ ته‌ماشای جلکێن وێ دکەت یێن کو میلانیا تره‌مپ دکەتە بەرخۆ، ستایلێ وێ ب تنێ ئێك ئارمانج هه‌یه، ئەو ژی سزادانا ترەمپی یە.
ئۆمارۆسا نیومان دیار دکەت ژی، كو هەڤژینا تره‌مپی هه‌ر ل گه‌ل ته‌مامبوونا ماوێ سه‌رۆكاتیا وی دێ داخوازا جۆدابوونێ ژێ کەت، دبێژیت ژی ، نوکە میلانیا یا رۆژان دهژمێریت بۆ ته‌مامبوونا ماوێ ئه‌ركێ هەڤژینێ خوە هەتا ژێ جۆدا دبیت.
