مەترسی ل سەر دەرامەتـێ كونجییان ل ناوچەدارییا شێلادزێ هەیە
ئامێدیێ، مەحمود نهێلی:
ڕێژەیەكا زۆرا بەرهەمێ كونجییان ل زەڤیێن سنۆرێ ناوچەدارییا شێلادزێ تووشی نەخۆشیێن كەرۆیێ بوویینە و بوویە ئەگەرێ زیانێن مەزن.
ئەندازیارەكێ چاندنێ بۆ رۆژناما ئەڤرۆ دیار كر، ژ ئەگەرێ سەرهەلدانا چەند نەخۆشییەكێن كەڕوویی د ناڤ ئاخێ دا و كارتێكرنێ ل سەر ڕەهێن ڕووەكێ كونجییێ دكەت و مەترسی ل سەر دەرامەتێ كونجیێ ل هندەك زەڤیێن سنۆرێ ناوچەدارییا شێلادزێ پەیداكریە.
گۆت ژی: «ئەڤ نەخۆشیە دبیتە ئەگەرێ هندێ، كو ڕێژەیەكا زۆرا بنێن كونجییان ب تەمامی هشك ببەن و ئەڤ سالە بەرهەم بەرەڤ كێمبوونێ بچیت، لەو داخوازێ ژ جۆتیاران دكەین، دهشیار بن بەرامبەر نیشانێن ڤان نەخۆشییان، دا كو ب ڕێكا سپڕەیێن قارچك كوژ و ڕێكارێن دروستێن چاندنێ بشێن ڕێگریێ ل بەلاڤبوونا زێدەتر یا ڤان كەڕوویان د ناڤ ئاخێ دا بكەن و بەرهەمێ خوە ب پارێزن».
