مەعجینا ددانا بۆ روخسارێ خوە ب كار نە ئینە
ئەڤرۆ
بسپورێن بوارێ جوانكاریێ هوشداریێ ددەنە وان كەسان ئەوێن ژ بو چارەسەریا ئاریشێن پیستێ خوە مەعجینا ددانا بكاردئینن.
د راپۆرتەكا ماڵپەڕێ (كلیڤ لاند) یێ بەریتانی دا بسپورێن بوارێ جوانكاریێ ئاشكرا كریە كو زۆر كەس بۆ چارەسەریا پرسكێن روخسارێ خو هەروەسا بو پاقژكرنا زیوانێن دفنێ مەعجینا ددانا بكاردئینن، ئەڤ چەندە زیانێ دگەهینیتە پیستی و ئەگەرە بۆ سوربون و ئازراندنا پیستی.
ژبەركو ماددەیەك دناڤ مەعجینا ددانا دا هەیە زیانێ دگەهینیتە پیستی، ژبەرهندێ باشترە كرێمێن پزیشكی بكاربینن كو ترشێ سالیسیلیكی تێدایە و پیستێ مری یێ روخساری ژناڤ دبەت.
بۆ نەمانا پنیا و جهێن پرسكا باشترە ل دەرمانخانێ ئەوان جۆرە كرێمان بكڕن یێن كو دەوڵەمەند ب ماددێ بەنزویل پیرۆكساید بۆ شوشتنا روخساری و نەمانا پرسكا دێ پتر مفای ژێ وەرگری.
