نابیت زەلام ئەڤان گوتنان بێژیته هەڤژینا خۆ
ئەڤرۆ نیۆز،زنار تۆڤی:
هندەك گوتن هه‌نه ل دەف ژنان د ئاسایینە،هەکە ژ دەڤێ کەسەکێ دی گوهلێ ببن،بەلێ هەکە زەلامێن وان ئەوان گوتنان بێژنێ،ئێکسەر دێ تۆرەبن و دێ پێ تێکچن.
مالپەرێ له‌یالینا هندەك ژ وان ئاخفتنان بەلاڤکرینە،كو پێدڤیە زەلام خۆ ژێ دوور بکەن و به‌رامبه‌ر هەڤژینێن خۆ بكار نه‌ئینن،بۆ هندێ داکو تۆرە نه‌بن و دلێ وان نەهێتە ئێشاندن،وه‌ك ئه‌ڤان گوتنان:
.ئەڤێ پەیوه‌ندی ب من ڤە نینە و کارێ تەیە،چونكی تۆ دایكی: ئه‌ڤ ئاخفتنە ب ته‌مامی دلێ ژنان دشكێنیت، چونكی ئەڤە وی روویێ بێ گرنگیا زەلامی نیشان ددەت، ل سه‌ر وی كاروباری و په‌روه‌رده‌كرنا زارۆیان كو پێدڤیه پێکڤە ئه‌نجام بده‌ن.
.ئەڤە ژ سپێدێ وەرە تە چ دکر؟: هەکە هەڤژینا تە ئێک ژ كارێن رۆژانه ئه‌نجام نه‌دابیت،ڤێ ئاخفتنێ نە بێژێ،چونكی ئەو ژی مرۆڤه،دبیت ژ بیرا وێ چو بیت،یان ژی نە شیابیت بکەت،ژبه‌ر هندێ ب ڤی شێوه‌ی لۆمه نه‌كه.
.ژ بلی چێکرنا باجانکان هیچ تشتەکێ دی نزانی:ئەڤ ئاخفتنە گەلەک دلێ ژنان دشکێنیت و وەلێ دکەت،کو چو جاران هه‌ول نه‌دەت خوارنێن جۆدا بۆ تە دروست بكەت،چونكی ژ هەژیتە نابینیت.
.تە بۆچی تشتێن من بەرزەکرینە؟:دەمێ ژن مالێ پاقژ دکەت،دڤێت تشتێن تە بۆ تە رێکبێخیت و ل جهەکێ باش هەل بگریت،لەورا پێدڤی ناکەت مال پاقژکرنا وێ بکەیە ئەگەرێ بەرزەبوونا تشتێن خۆ.
. ئاخفتنێن دوباره:هەکە تە کارەک گوتێ،پێدڤی ناکە هزار جاران بۆ دوباره بكه‌یە ڤە،وێ ژی وەک تە عاقلێ هەی و ب ئێكجاری د ئاخفتنێن تە دگەهیت.
.هەکە تۆرە بوو گرنگیێ پێ بده:زۆربەیا تۆره‌بوونێن ژنان ل سه‌ر تشتێن ساده‌نە،هەروەسا وان دڤێت ژ لایێ زەلامێن ڤە بهێنە ئاشتکرن،نەکو بهێنە پشت گوهخستن،ژبەر هندێ ل دەمێ تۆرەبوونێ رێزێ لێ بگرە،باشترە تە ئاگەه ژ رازیکرنا دلێ وێ هەبیت.
