ناپۆلی پێدڤی ب چەند خالان هەیە بۆ ناسناڤێ ئیتالیا؟
ئەڤرۆ
یانەیا ناپۆلی نێزكی دەستڤە ئینانا ناسناڤێ خولا ئیتالیا كالیچیۆ بوویە پشتی سەركەفتنەكا گرنگ ل سەر هەڤڕكا خوە یانەیا یۆڤانتۆس ئینایی ب گۆلەكێ بێ بەرانبەری ژ چارچووڤێ گەڕا 31ێ یا خولێ، گۆلا ناپۆلی ل سەر یۆڤانتۆس د خولەكا 90+3 ژلایێ یاریزان جیاكۆمۆ راسبادۆری ڤە هاتە تۆماركرن.
ب ڤێ ئەنجامێ ناپۆلی ب سەركێشیا راهێنەرێ خوە لوتچیانۆ سبالێتی سەرێ لیستا خولێ پاراست ب كۆمكرنا 78 خالان و 17 خالان دووركەفت ژ نێزكترین هەڤڕكا خوە یا رێزا دویێ یانەیا لاتسیۆ ئەوا 61 خال كۆمكرین، یاریێن بهێت یێن خولێ بتنێ حەفت ماینە ئانكو سەرجەمێ 21 خالانە، لەوما بتنێ ژ ڤان حەفت یاریان پێدڤی ب پێنچ خالان هەیە بۆ مسۆگەركرنا ناسناڤێ، دبیت گەڕا بهێت یا 32ێ ناسناڤی مسۆگەر بكەت هەكە سەركەفتنێ ل سەر سالیرنیتاتا ئینا و خوسارەتیا لاتسیۆ بەرانبەر میلان، لێ هەكە هەردو یانە ب سەركەفتن دێ ناسناڤ هێتە پاشئێخستن بۆ گەڕا 33، هەكە ب سەركەفت ل سەر ئۆدێنێزی بێ سەحكرنا ئەنجامێن دی ب فەرمی دێ ناسناڤی دەستخوەڤە ئینت.
