ناڤێن سێ به‌ربژارێن پۆستێ سه‌رۆك وه‌زيرێن عيراقێ دهێنه ئاشكراكرن
ئه‌ڤرۆ نيوز:
پشتى ده‌ست ژ كاركێشانا عادل عه‌بدولمه‌هدى ژ پۆستێ سه‌رۆك وه‌زيرين عيراقێ و سه‌ره‌راى ئالۆزيا پرسا جهگرتنا وى، په‌رله‌مانتاره‌كێ عيراقێ دياردكه‌ت كو هێزێن سياسى به‌حسێ سێ كه‌سايه‌تيان دكه‌ن بۆ وه‌رگرتنا پۆستێ سه‌رۆكاتيا حوكمه‌تا داهاتى ل عيراقێ و دووپاتكر كو هێزێن سياسى يێن عيراقى گرنگيێ ب ده‌ستنيشانكرنا كه‌سه‌كێ حزبى ناده‌ن، به‌لكو بزاڤا رازيكرنا خه‌لكى دكه‌ن.
حه‌نين قه‌دۆ، ئه‌ندامێ په‌رله‌مانێ عيراقێ ژ ليستا (فه‌تح) ب سه‌رۆكاتيا هادى عامرى ،راگه‌هاند، هه‌تا نوكه ئه‌و ناڤێن به‌حس لێ دهێته كرن بۆ وه‌رگرتنا پۆستێ سه‌رۆك وه‌زيران هه‌ر ئێك ژ فه‌ريق روكن عه‌بدولوه‌هاب ساعدى فه‌رماندێ به‌رێ يێ هێزێن دژه تيرۆرا عيراقێ و ئيبراهيم به‌حرلعلوم په‌رله‌مانتارێ به‌رێ و وه‌زيرێ په‌ترۆلێ يێ به‌رێ و محه‌مه‌د شياع په‌رله‌مانتارێ به‌رێ.
گۆت ژى” هێزێن سياسى يێن عيراقى ده‌ستبه‌ردارى مافێ خوه بوون ل پێكئينانا حوكمه‌تێ و ئه‌و هند گرگيێ ب پۆستى ناده‌ن، به‌لكو بزاڤا رازيكرنا دجادا عيراقى و بجهئينانا داخوازيێن خوه‌نيشانده‌ران و بده‌ستڤه‌ئينانا دادپه‌روه‌ريێ، له‌وما نوكه دانوستاندن د به‌رده‌وامن و دبيت هه‌ڤرا ل سه‌ر كه‌سايه‌تيه‌كێ تمام سه‌ربخوه دوور ژ ڤان هه‌ر سێ ناڤان ژى بهێته كرن”.
