ناڤەندا خانی دێ ئێڤاریەكا رەوشەنبیری ل مالا لاوان گێڕیت
شاكر ئەتروشی:
ل ژێر درۆشمێ (دنیا كتێبەكە یێ گەڕیانێ دناڤدا نەكەت، ب تنێ دێ بەرپەرەكی ژێ بینیت) ناڤەندا خانی یا رەوشەنبیری و راگەهاندنێ (پشكا رەوشەنبیری) ب هەڤكاری ل گەل مالا لاوان یا سەر ب ئێكەتیا لاوێن دیمۆكراتا كوردستانێ، ل بەرە ل دەمژمێر پێنجی ئێڤاریا رۆژا سێشەمبی، رێكەفتی 7/5 ئێڤاریەكا رەوشەنبیری ل هولا مالا لاوان، كو دكەڤیتە نێزیك ئاڤاهیێ رێڤەبەریا پاسپۆرتێن دهۆكی، بگێڕیت.
بەرنامێ وێ ئێڤارێ دێ بڤی رەنگی بیت. خواندنا پەیڤا مالا لاوان:
پێشكێشكرنا سمینارەكێ ل دۆر گرنگیا خواندنا پرتووكان ژلایێ نڤیسەر (مۆسەدەق تۆڤی).
دانەنیاسین و بەلاڤكرنا چار پارتووكێن ژ نوو چاپ بووین (پەیڤینا ئاڤێ دوەرزەكێ بەهیدا/ موحس عەبدولرەحمان) و (هێكا زێرێن، وەرگێڕان ژ ئنگلیزی حەكیم عەبدوللا) و (ژیانا پەرلەمانی ل ئیرانێ 1926/1941 سەلوا محەمەد نهێلی) و (خەملا ژینگەهێ، رەمەزان ئیسماعیل گەرگۆهی) و هەرچار پرتووك ژلایێ نڤیسەرێن وانڤە دێ هێنە ئیمزاكرن، هەروەسا بەلاڤكرنا چەند پرتووكێن دی كو پێشتر ژلایێ ناڤەندێ ڤە هاتینە چاپكرن و ل دووماهیێ دو گەنجێن چالاكڤان دوارێ رەوشەنبیریا پاراستنا ژینگەهێ دا دێ هێنە خەلاتكرن.