ناڤ و وێنێ ئه‌نجامده‌رێ هێرشا هه‌ولێرێ دهێته به‌لاڤكرن
ئه‌ڤرۆ نيوز:
سه‌باره‌ت ڤه‌كۆلينێن ل دۆر روودانا ته‌قه‌كرنا دوهى يا باژێرێ هه‌ولێرێ، به‌ياننامه‌ك ژ لايێ ده‌زگه‌هێن ئه‌منى كو ل په‌يچێ ( دژه تيرۆرا كوردستانێ Kurdistan CT) هاته به‌لاڤكرن ووێنێ كه‌سه‌كێ داخوازكرى هاتيه دانان وداخواز ژ خه‌لكێ كوردستانێ دهێته كرن، هه‌ر كه‌سه‌كى پێزانين ل سه‌ر هه‌بن، ده‌زگه‌هێن ئه‌منى ئاگه‌هدار بكه‌ت.
د وێ به‌ياننامێ دا هاتيه” ئاگه‌هداريا وه‌لاتيێن هه‌رێما كوردستانێ دكه‌ين كو ڤه‌كۆلينێن ده‌رباره‌ى روودانا تيرۆرستيا دوهى 17 ته‌مووزا 2019 كو بوو ئه‌گه‌رێ گيان ژ ده‌ستدانا سێ كه‌سان، يا به‌رده‌وامه”.
دياركر ژى” ئه‌و كه‌سێ كو وێنێ وى هاتيه به‌لاڤكرن ناڤێ وى (مه‌زلووم داغ) ژ دايكبوويێ سالا 1992 وخه‌لكێ باژێرێ ديار به‌كرێ يه ل توركيا، ناڤبرى ژ لايێ ده‌زگه‌هێن ئه‌منى يێن هه‌رێما كوردستانێ يێ داخوازه”.
ل دووماهيا وێ به‌ياننامێ هاتيه” داخوازێ ژ وه‌لاتيێن خوه‌شتڤ دكه‌ين هه‌ر پێزانينه‌كا هه‌بيت ل دۆر ڤى تاوانبارى، ب زووترين ده‌م ده‌زگه‌هێن ئه‌منى ئاگه‌هدار بكه‌ت”.