نه‌خۆشێن سیهان و ره‌بوویێ ل زڤستانێ چاوا خوه ب پارێزن؟
ئه‌ڤرۆ، به‌رپه‌رێ ساخله‌میێ:
راسته كو له‌شێ مرۆڤی شیانێن خوه گونجاندنێ دگه‌ل كه‌شوهه‌وایێ جودا دا هه‌نه، به‌لێ پله‌یێن نزمێن گه‌رمێ و سه‌رمایا دژوار كاریگه‌ریێن مه‌ترسیدار بۆ سه‌ر سیهێن مرۆڤی دروست دكه‌ن.
ل دووڤ ڤه‌كۆلێنه‌كا نۆشداری یا نوی كو ل ئه‌مریكا هاتیه ئه‌نجامدان و میدیایێن وی وه‌لاتی ئه‌نجام به‌لافكرینه، پله‌یێن نزمێن گه‌رمێ مه‌ترسی بۆ سه‌ر ساخله‌میا هه‌موو كه‌سان هه‌نه، به‌تایبه‌ت ژی بۆ ئه‌وێن كێشه‌یێن سییهان هه‌ین.
سه‌رمایا زۆر مه‌ترسیه‌كا مه‌زن بۆ سه‌ر ساخله‌میا ئه‌وان كه‌سان دروست دكه‌ت كو نه‌خۆشیێن دومدرێژێن سیهان هه‌نه، كو ب (COPD) دهێنه نیاسین، هه‌وایێ سار ل ده‌مێ هه‌لمژینێدا، دبیته ئه‌گه‌رێ وێ چه‌ندێ كو هه‌ناسه‌دان دژوار ببیت و كێشه‌یێن هه‌ناسه‌دان بۆ ئه‌وان كه‌سان دروست بكه‌ت كو ل ده‌مێ سه‌رمایا زۆردا بۆ ده‌مه‌كێ درێژ ل ده‌رڤه دمینن.
هه‌روه‌سا ئه‌و كه‌سێن نه‌خۆشی هه‌ین د كۆئه‌ندامێ هه‌ناسێ یان ره‌بوو هه‌ی، زێده‌تر مه‌ترسی ل سه‌ره ل چوونا ژ ده‌رڤه ل ده‌مێ پله‌یێن گه‌رمێ نزم دبن.
به‌حس ل وێ چه‌ندێ كریه كو وه‌سا باشتره ل ده‌مێ پله‌یێن نزمێن گه‌رمێ دا، كێمتر بچنه ده‌رڤه، كو ل ده‌مێ چوونا ده‌رڤه‌ژی، ب دفنێ هه‌ناسێ هه‌لمێژن، چونكو ب ڕێكا دفنێ، هه‌وا تا راده‌یه‌كی گه‌رم دبیت به‌ری كو بگه‌هیته سیهان.
