نه‌شێت ل چو ده‌زگه‌هێن دی كاربكه‌ت
دهۆك، هه‌رهین محه‌مه‌د:
نیبارێ حه‌جی، پێشكێشكارێ به‌رنامێ (ته‌وه‌ر، بیاڤ) ل رادیۆیا زانكۆ، د دیداره‌كێ دا بۆ ئه‌ڤرۆ گۆت: من گه‌له‌ك مفا ژ راگه‌هاندنێ وه‌رگرتینه و مه‌رج نینه مفایێن مادی بن، به‌لكو راگه‌هاندن بوویه ده‌رازینكه‌ك ئه‌ز خوه دناڤدا بینم و پتر خوه ئاڤا و پێگه‌هینم و ل سه‌ر ده‌مێ سۆشیال میدیایی َدا راگه‌هاندن بوویه ئالاڤه‌كێ گرنگ یێ گه‌هاندنا پێزانیان، یان ژبلی راگه‌هاندن پێشه‌یێ منه گه‌له‌ك حه‌ز ژێ دكه‌م هه‌كه من ئه‌ڤ كاره نه‌دكر و یا گرنگ ئه‌وه گوهدار ژمه رازی بیت و ل دووڤ شیانێن خوه من من خزمه‌ت پێشكێشی راگه‌هاندنێ كریه،
ناڤهاتی گۆت: ل رادیۆیێ خۆشیا ده‌نگی یا گرنگه بۆ پێشكێشكاری و بێژه‌ری، چونكو هه‌كه ده‌نگێ بێژه‌ری و پێشكێشكاری یێ خۆش بیت ب پشت راستی دێ كارتێكرنا خوه ل سه‌ر گوهداری هه‌بیت، و جوانی ژی یا گرنگه به‌لی َنه مه‌رجه بۆ پێشكێشكارێ رادیۆیێ، چونكو په‌یام ب رێیا ده‌نگی دهێته ئاراسته‌كرن و ل رادیۆیا زانكۆ وه‌ك فه‌رمانبه‌ره‌كێ حكومی كاردكه‌م و یێ گرێدایمه و نه‌شێم ل چو ده‌زگه‌هێن دی كاربكه‌م و نابێژم كه‌سێ داخاز ژ من نه‌كریه، به‌لێ دبیت ئه‌و ده‌زگه‌هه نه یێن مه‌زن بن و جارێ من نه‌ڤێت ل چو كه‌نالان كاربكه‌م و هه‌تا كو ب باشی ژ شیانێن خوه رازی ببم.
