نوونه‌ریا هه‌رێمێ ل روسیا هوشداریێ دده‌ته وه‌لاتیێن كورد
ئه‌ڤرۆ نیۆز:
نوونه‌ریا هه‌رێما كوردستانێ ل وه‌لاتێ روسیا هوشدارى دانه وه‌لاتیێن بڤێن مشه‌ختى وه‌لاتێن ئه‌ۆروپا بن كو نه‌كه‌ڤنه داڤێن هنده‌ك كه‌سێن فێلباز كو ره‌وشێن نه‌خۆش بۆ خوه بده‌لیڤه دزانن و سۆزا ددنه خه‌لكى كو به‌رب وه‌لاتێن بیانى بگه‌هینن.
د به‌یاننامه‌كێ دا نوونه‌ریا هه‌رێمێ راگه‌هاند، ئه‌م هوشداریێ دده‌ینه وان كه‌سێن دڤێن ب رێیا قونسلخانه‌یا روسى یان ب رێیا هنده‌ك ئاسانكاریان و دانا فیزا بۆ هاتنا خه‌لكێ كوردستانێ كو گۆهداریا وان گوتگوتكان نه‌كه‌ن ژ ئالیێ هنده‌ك كه‌سان ڤه دهێنه ركرن، كو هه‌ر جهێ وانا بڤێت ئه‌و دێ وانا ره‌وانه‌ى وان وه‌لاتان كه‌ن وه‌ك مه‌شختى و مه‌شختبوونا هێنه قه‌بوولكرن.
وێ به‌یاننامێ هه‌روه‌سا رونكر، چو رێیێن باش دناڤا ئاخا وه‌لاتێ روسیا دا نینه كو به‌ر ب وه‌لاتێن ئه‌ورۆپى ڤه بچن، به‌لكى به‌رۆڤاژى حوكمه‌تا روسیا راگه‌هاندیه ئه‌و دێ سه‌ره‌ده‌ریه‌كا توند و دژوار ل گه‌ل هه‌ر كه‌سه‌كێ پێشێلكرنا قانوونى دكه‌ن دێ گرنه به‌ر، كو دبیت ئه‌و كه‌س ب توومه‌تا تیرۆرێ بهێنه دادگه‌هكرن.
هه‌روه‌سا ئاماژه‌دا هندێ، ئه‌ڤ كاره بتنێ ژ ئالیێ هنده‌ك كه‌سێن فێباز ڤه دهێته ره‌واجه‌كرن بۆ وه‌رگرتن و ب ده‌ستخیتنا كوژمه‌كێ پاره‌ى نه زێده‌تر و چو راستى بۆ گۆتنێن وانا نینه.
