نوونەراتیا دهۆك یا لژنا ئۆلمپی دێ ب گوهۆڕینێن مەزن هەلبژارتنێن خوە كەت
ئەڤرۆ
ل چارشەمبیا بۆری سەرۆكێ نوونەراتیا دهۆك یا لژنا ئۆلمپیا كوردستانێ پ. د. ئەحمەد قاسم كۆمبوون دگەل سەرۆك ئێكەتیێن وەرزشی یێن پارێزگەها دهۆكێ كر ژبۆ شرۆڤەكرن و گەنگەشە ل سەر ئەوان گوهۆڕینێن مەزن یێن هەلبژارتنێن دەستەكا نوو یا نوونەراتیێ و مافێ دەنگدانێ هاتنە بەحسكرن بەری ئەنجامدانێ، ئەوا دهێتە چاڤەڕێ كرن دبیت ئەڤرۆ ژڤانێ هەلبژارتنان بهێتە ئێكلاكرن راپۆرتا نوونەراتیێ بۆ لژنا ئۆلمپیا ئیراقێ هاتیە هنارتن ژبۆ پەسەندكرنێ.
ل دووڤ زانیاریێن دەست ب رۆژناما ئەڤرۆ كەفتین كو د كۆمپوونێ دا ئەو سیستەم و گوهۆڕینێن هاتینە كرن بۆ هەلبژارتنان بۆ تەوەرێ ئامادەبوویان و بڤی رەنگی بوون، ژبۆ خوە هەلبژارتنێن ئەڤجارە رێژا ئەندامان هاتیە كێمكرن ژ چار كەسان بۆ ئێك كەس ئەو ژی دێ ئەنداما كچ بیت، دیسان هەیكەلێ دەستەكا نوو بتنێ دێ ژ سەرۆكێ نوونەراتیێ و جێگرەكی بیت.
هەر ل دووڤ ژێدەرێن تایبەت سەرۆكێ نوكە یێ نوونەراتیێ وەكو ئێكانە بەربژارە بۆ پۆستێ خوە بێ هەڤڕك ژبەر شارەزاهی و بوویە جهێ باوەریا هەموو ئێكەتیێن وەرزشی، دیسان بۆ جێگرێ وی دو كەس بەربژارن ئەو ژی د. جەلال كەمال و مەحمود محەمەد، لێ پشتی هەلبژارتنان دەستەكا نوو دێ ئەمیندارێ گشتی و سكرتێرێ نوونەراتیێ دەستنیشان كەن، ژلایەكێ دووڤە ئەو ئێكەتیێن ماف هەیی دەنگی بدەن بتنێ دێ بنە 11 دەنگدەر دگەل دا سێ ئێكەتیێن نە ئۆلمپی دێ دو ئێكەتیێن وەرزشی دەنگێ خوە دەن.
