نوونەرێ پانزینخانەیێن دهۆكێ: ل رۆژێن بهێن دێ بهایێ پانزینێ داكەڤیت
دهۆك، دلۆڤان ئاكرەیی:
نووینەرێ پەنزینخانەیێن دهۆكێ دیاركر، د نوكە دا ل پڕانیا پەنزینخانەیێن دهۆكێ دەست ب بەلاڤكرنا پانزینێ هاتیە كرن، ل دووڤ بهایێ رۆژانە و كوالیتیا لایەنێن پەیوەندیدار بڕیار ل سەر دای.
ئەحمەد، نوونەرێ پانزینخانەیێن دهۆكێ بۆ رۆژنامەیا ئەڤرۆ گۆت: «ل پڕانیا پانزینخانەیێن پارێزگەها دهۆكێ پشتی بڕیار و رێنومایێن وەزارەتا سامانێن سروشتی، دەست ب بەلاڤكرن و فرۆتنا پانزینێ هاتیە كرن، بڕیار هاتیە دان، رۆژانە لیژنەیەكا تایبەتمەند چاڤدێریا كوالێتی و بهایێ پانزینێ بكەت و هەر دەمێ گوهۆڕین د بهایێ پانزینێ دا هاتە كرن، راستەوخۆ ل پانزینخانەیان ژی گوهۆڕین دێ هێتە كرن».
گۆت ژی: «بڕیارە رێژەیا پانزینێ زێدە ببیت و ئەم پێشبینی دكەین، ل رۆژێن بهێن بهایێ پانزینێ داكەڤیت».
