نووژهنكرنا جهێن شوونواری دهلیڤێن كاری پهیدا دكهت
ئهڤرۆ، رهمهزان زهكهریا
ئهمریكا ب كوژمێ 500 هزار دۆلاران بۆ نووژهنكرنا كنیشتا گوندێ شوش ل دهڤهرداریا ئاكرێ تهرخان كرینه، ژ بهر كو گوندێ شوش جههكێ شوونواریه و شوونوارێن چهندین ئاینێن جودا لێ ههنه و ههموو هاتینه پاراستن، پاراستنا شوونوار و كهلهپۆرێ كهلتۆری یا گرنگه.
هیوا شیمال، رێڤهبهرێ شونهوار و كهلهپورێن ئاكرێ بۆ ئهڤرۆ راگههاند، گوندێ شوش ئێكه ل جهێن مێژوویی یێن گرنگ كو چهندین شوونوار لێ ههنه ب تایبهتی پهرستگههێن ئاینێن كهڤن وهك میترائی و زهردهشتی و جوهی و مهسیحی و موسولمان، جهێ كنیشتا شوش نێزیكه ل ڤان ههمی پهرستگههان ئهڤه ژی وێ چهندێ رادگههینیت گرنگیا پێكڤه ژیانا ئاینی ل دهڤهرێ.
ناڤبری گۆت ژی: ئهڤ پرۆژهیه وهك قوناغا ئێكێ دێ هێته دهست پێكرن كو ل سالا 2020 مه پلان دانابوو بۆ دروستكرنا پاركهكا روحانی یا ئاینێن كهڤن ل شوش و ببیته جههكێ گهشت گوزاری و پاراستنا ڤان پهرستگههان و نیشاندانا شارستانیهتا دهڤهرێ، رێكخراوا GAME ART یا چیكی و ب سهرپهرشتیا رێڤهبهرییا شونهوارێن و كهلهپوورێن دهوكێ و ئاكرێ هێته نووژهنكرن، تێچویا ڤی پرۆژهی كونسولخانهیا ئهمریكا ب ستویێ خوڤه گرتیه ب كوژمێ 500 هزار دۆلاران.
ناڤبری گوت : خالا ههره گرنگ ل نووژهنكرنا كنیشتا گوندێ شوش ل دهڤهرداریا ئاكرێ دێ بیته ئهگهرێ دروستكرنا دهلیڤێن كاری و بۆ خهلكێ دهڤهرێ و دهرچوویێن پهیمانگههـ و زانكۆیا و ل پاشهرۆژێ ژی مفا لێ هێته وهرگرتن.
